Сырласу /Өлең жолдары / өлең оқу / қазақша өлең / олен оку /

Сырласу /Өлең жолдары / өлең оқу / қазақша өлең / олен оку / олен жолдары / өлең шығару / шабыт / Құрметті көрермендер! Жалпы әкемнен дарығар өлең жазу өнерім бар еді. Сол қаламымнан тамған өлең жолдарын салып қоюды жөн көрдім! Тыңдап бағасын бере отырыңыздар! Лайк басып, коментарии жазып отырыңыздар! Сырласу... Қараңғылық басып түннің ортасын Тыныштыққа мүлгіп мына айнала. Ой жарысын тоқтатуға тырысып, Мен отырмын терезеге байлана. Қос жанарым бағып дала сұлуын, Санадағы сан ойларды тарқатты. Жарық жұлдыз бергендей күн жылуын. Жүрегіме бір махаббат орнатты Сұлу айдың ғажабына тәнті боп Сырласуға болған едім мен құмар. Кенет оның ақ жүрегін жасырып, Қара бұлттар іліп кетті дақ-тұмар Қорқыныш пен үрей басып кеудесін, Санасына сан сұрақтар іркілді Неге ғана жарық жұлдыз іргесін Сөгу ғана тек ойна келеді. Тұншықтырып қабілетін-талабын, Қара көңіл сенбей тұр ғой жүрекке Сенің қайта жарқырап бір жанатын Күнің туар деген нәзік тілекке. Аспан кейде менің жаным секілді Құбылмалы ауа-райы жайлаған Шабыттансам жарық күндей не түрлі Шығармашыл нар тұлғаға айналам. Жабырқасам көңіліме қар жауып, Қара түтін бар санамды байлаған. Сезімдердің толқынысын тулатып Тұңғиық ой түбіне дерт бойлаған. Қайтсін енді кербез айда амал жоқ Табиғаттың заңдылығы, не шара Қара бұлттан нөсер жаңбыр жауған соң Кең аспанда жарқырайды нұрлана Мен отырған терезенің әйнегін Түнгі жауын тамшылары ұрып тұр. Өз дертіңді ушықтырып қайтесің? Жүректегі қара дақты жуып көр Қандай қадам жасау керек бірінші?! Сұрақ қойдым түп-санама бастаған. Сенім беріп жұдырықтай жүрекке Бір әрекет жасау керек тек саған! Бұл жауапты жаулық етіп басыма Ақ ниетім күн көзіндей ашылды. Жігерленіп бойымдағы күш-қайрат Ұзақ жолдық сапарларға асықты Масайраған мамыражай көңілім Өз-өзімді бағалауға шақырды. Әр қадаммен белестерім, мақсатым Тамшы термен келгендіктен, Бақытты. #эссе #ЖансаяЖәнібекқызы #өлеңдер #шығармашыл #олендер #оленоку #өленоқу