Қазақ поэзиясында ерекше орын алатын ақын Фариза Оңғарсынованың болмысы тек өлең жазуымен ғана шектелмейді. Ақын ретінде ғана емес өзінің жан дүние толқынысы, өресі, ішкі мәдениеті, қоғамды сезінуі шығармаларынан көрініс тапқан жан десе болады. Сондықтан болар өлеңдерінен қуат, сөзінен құндылық сезінген ол айналада болып жатқан құбылыстарға жеке адамның немесе қазақ халқының күллі адамзаттың мәселесін қарады. Дәл осы тұста мен Фариза Оңғарсынованың үш бөлімнен тұратын «Сөз сыры» кітабын ерекше атап өткім келеді. Себебі, мен бұл кітапты оқуда дәстүр мен құндылық, дастархан басындағы батадан бастап, ауыз екі сөйлеу қарым-қатынастағы сөздерді орынды қолдану, мақал-мәтелдерді мағынасына қарай топтауы ұлт болып қалуға бағыт -бағдар ғана емес, тілді, тарихты құрметтеуге шақыратынын түсіндім. Өлең, әңгімелерді көп оқыған, сөздің киесін қастерлей білген баланың ой-өрісі, дүниетаным өресі өзгелерден биік болатынын Фариза апамыз осы кітапта ерекше атап өткен. Алғы сөзінде Фариза Оңғарсынова: Саған және сенің құрбыларыңа арналған осы кітапшаны түсініп оқысаң деген тілек білдіреді
