Мемлекеттік бағдарламамен берілген баспаналарда жарты айдан бері жылу жоқ
БІЗДІҢ YOUTUBE АРНАҒА ТІРКЕЛІҢІЗ: / @informburo31kanal --------------------------------------------- Теңдессіз жобамызға көз салыңыз: • Сөздің шыны керек: [журналистік зертт... Бишімбаев ісі - • Бишімбаев ісі Су тасқыны бойынша барлық ақпарат - • Су тасқыны // Төтенше жағдай Жұмбақ өлімдер - • Жұмбақ өлім Бүгінгі шығарылымда: Еліміздің солтүстігіндегі Бескөл ауылының тұрғындар өз үйлерінде тоңып жүр. Өйткені мемлекеттік бағдарламамен берілген баспаналарда жарты айдан бері жылу жоқ. Сондықтан күздің қара суығында қымтанып, қалың киіммен ұйықтайтын болған. Сыз тартып, қабырға мен терезеден жел үрлеп тұрған бұл пәтер Алексей Федоровтың баспанасы. Жарты айдан бері жылусыз отырмыз деген азамат үйін ылғал тартып, қабырғалары көгере бастағанын айтады. Ал тастай суық үйде күндіз-түні тек сырт киіммен ғана жүретін болыпты. Сорақысы сол 20 күнге жуық жылусыз отырсақ та коммуналдық төлем түбіртегіне ақша қосылып келді дейді. АЛЕКСЕЙ ФЕДОРОВ, Бескөл ауылының тұрғыны: – Пәтерде жан-жақтан желі үрлеп тұр. Қатты суықтан қабырғалар мұздап қалатын болды. Сонда мен не үшін ақша төлеуім керек?! Жылу үшін ақша төлеуден бас тартамын. Тұрғындар үйдегі температура 14 градусқа әрең жететінін айтады. Оның өзінде электр пештерін қосып, жан бағып отыр. Жұрт жарты айдан бері жуына да алмай жүргендерін айтады. Өйткені тастай суық үйде ауырып қалуымыз әбден мүмкін дейді. Бұл аздай халықтың тең жартысы он күннен бері сусыз отыр. Әкімдікке барып тұрып аудан әкімін үйлеріне де шақырған екен. Бірақ шенеуніктер қонақ болып келуге құлық танытпапты. АЙМАН МАТЫКОВА, Бескөл ауылының тұрғыны: – Үйде кішкентай балам бар. Мен таңғы 8-ден кешкі 6-ға дейін жұмыстамын. Бала түсте оқудан келеді. Обогреватель қойсам мен қорқамын балам үшін. Ол жанбайтынына кім гарантия береді. Күйіп кетпесіне. Вдруг балама бірдеңе болса кім жауап береді?! Бірақ жылуға жауаптылар тұрғындардың мәселесінен хабарсыз болып шықты. Әкімдік өкілдері бар гәп екі үйдің бір жылу желісіне қосылғанынан дейді. ЖАНБОТА ҚАЙЫРЖАНОВ, Қызылжар Аудандық ТҮКШ бөлімінің басшысы: – Жанынан жаңадан бес қабатты үй салынып жатыр. Сол үйді салып жатқан мердігер компания өкілдері тұрғындардың желілеріне қосылып, жылуды өздеріне бұрып алған. Сондықтан пәтерлер суық. Енді осы мәселені шешу үшін көрші тұрған үйге басқа желі тарту керек. Бірақ тұрғындардың айтуынша, мәселенің түп төркіні одан әрі жатыр. Себебі жыл сайын осы уақытта жылусыз қаламыз дейді. Халық биыл да мәселе шешілмесе бәріміз жиналып, аудан әкіміне барамыз деп отыр. --------------------------------------------- Біз барлық әлеуметтік желідеміз, тіркеліңіз: Бізді әлеуметтік желіде оқыңыздар: Информбюро 31 / @informburo31kanal Informburo kz / @informburokz2022 Facebook - / informburo31 Instagram - / informburo31 WhatApp - TikTok - Біздің сайт: www.31.kz және www.informburo.kz #Информбюро #31арна #БастыЖаңалықтар #АқиқатынАйтайық
