Айжамал Ермаханқызы Қоңырбаева - нағыз еңбек адамы!

Айжамал Ермаханқызы Қоңырбаева - нағыз еңбек адамы! Биыл 2025 жыл елімізде «Жұмысшы мамандықтар жылы» деп жарияланды. Осыған орай, Айжамал Қоңырбаева сияқты еңбек жолында табандылық танытып, өз ісіне шын берілген, қоғамға үлкен үлес қосқан тұлғаларды ерекше атап өту аса маңызды. Айжамал Қоңырбаева - іріленген Мақтаарал ауданының құрметті азаматы, бірнеше кітаптың авторы, еліміздің білім беру саласында көп жылдар бойы аянбай еңбек еткен ұлағатты ұстаз. Оның ұстаздық жолы, шәкірттеріне білім мен тәрбие берудегі қажырлы еңбегі көпке үлгі. 82 жастағы Айжамал апай еңбекқор ұстаз ғана емес, қоғам белсендісі, спорт жанашыры, Ғ. Мұратбаев атындағы Жетісай гуманитарлық - техникалық колледж ұстаздары мен студенттерге Айжамал апай әңгіме сұхбатқа шақырып өмірі мен еңбек жолымен бөлісті. Оның іс - әрекеттері еңбекке деген адалдығы мен табандылығы жастар үшін үлкен үлгі болып табылады. Айжамал Қоңырбаева нағыз еңбек адамы, қоғамға қосқан үлесі мен өз ісіне деген адалдығы арқылы әрдайым жоғары бағаланатын тұлға! Ұжым атынан сізге шын жүректен алғысымызды білдіреміз. Сіз еңбек жолыңызбен бөліскеніңіз біз үшін үлкен мәртебе болды. Сіздің тәлім - тәрбиеңіз, мол тәжірибеңіз біз үшін қымбат әрі құнды. Сіздің айтқан ақыл - кеңестеріңізбен өмірлік тәжірибеңіз біздің жұмысымызға жаңа шабыт береді. Сізге зор денсаулық, ұзақ ғұмыр және бақытты күндер тілейміз!