#НартайАралбайұлы #NartayNews #НартайНьюс #Еңбекадамы 📌 Бүгінгі мамандық иесі - “ОРМАНШЫ” мамандығы 2023 жыл. «Семей орманы» аумағында алапат өрт болып, салдарынан 14 адам көз жұмды. Олар қарапайым орманшылар еді. Бұл қайғылы жағдайға байланысты 12-ші маузым аза тұту күні болып жарияланды. Тұтас ел қара жамылды. Оған дейін де 2022 жылы Қостанай облысында орман өртенген еді. Аманғарағайда аман қарағай қалмаған, гүл өскен жерді күл басқан зардабы онжылдықтарға ұласар апат болды. Міне, орманға ғана емес, орманшыларға да төнетін қауіп-қатер көп. Бүгін біз қоршаған ортаны, табиғатты аялап, қорғайтын мамандар жайлы баяндаймыз. Жұмысты құрал істейді. Бұл қағида орман шаруашылығына тікелей өатысты. Себебі, гектарларға жалғасқан орманды қарап, бақылауда ұстау үшін де техника сайлы болу керек. Бұл ретте, қуантарлық оң өзгеріс бар. Былтыр Қазақстан орман шаруашылығы мекемелерінің көлік паркін толығымен жаңартты. Елдегі техниканың 72 процентке тозуын ескере отырып, орман мекемелерін материалдық-техникалық жабдықтауға орман саласы тарихында алғаш рет талап етілген қаржыландыру бөлінді. Бұл өрт жиі болатын орман мекемелерінің автопаркін толығымен жаңартуға және жабдықтауды 100 пайызға жеткізуге мүмкіндік берді. Қазақстан аумағында 196 орман шаруашылығы бар, жалпы ауданы 30 мың гектарддан асады. Оның ішінде: 10 мемлекеттік табиғи қорық, 14 мемлекеттік ұлттық табиғи парк, 7 мемлекеттік табиғи резерват және республикалық мекемелерге қарасты тағы да ірілі-ұсақты орман шаруашылықтары бар. Олардың бәрі де – халықтың байлығы. Сол орманның ішіндегі жан-жауарлар да біз үшін маңызды. Әр тал ағашты, әр мақұлықты қорғау –орманшыға артылған жүк. Дегенмен, жалғыз орманшыға барлық жауапкершілікті артып қоюға тағы болмайдыү өйткені, қоршаған орта бәрімізге ортақ. Осылай дегеннің өзінде салғырттық танытып, кейде қасақана өрт шығарып жататындар бар. Бір тал ағаштан мың тал шырпы шығады, ал бір тал шырпы мың тал ағашты өртей алады. Осы мысалды ұмытпай, орманшылардың еңбегін бағалап, табиғатты аялаған абзал. Өйткені, табиғат – бізге берген аманат! "Еңбек адамы" елеусіз қалмасын! Биыл біз тұтас фильмдер сериясын жасауға бел будық. Кейіпкерлеріміз қарапайым қызметкерлер, бірақ үлкен жүректі, еңбекқор, өмірге құштар адал адамдар. Бұған дейін экрандардан тек өнерпаздар мен шенеуніктерді көретін едік. Бұл дұрыс болмады, олқылықтың орнын толтыру керек. Біз соны мойнымызға алдық. Бұйыртса 40 фильм жарыққа шығады. Көріңіздер! Инстаграм:
https://instagram.com/nartay_aralbayu... Фейсбук: / nartai.sarsengaliyev
