Әскердегі өлім қашан тоқтайды?

1.Соңғы уақытта елімізде кішкентай балалардың көпқабатты үйлердің терезесінен құлап, қаза табу оқиғалары жиілеп кетті. Мұндай қайғылы оқиғалардың басты себебі-көпқабатты үйлерде қауіптің алдын алатын қарапайым құрылғылардың орнатылмауы. Бір ғана бекіткіштің болмауы-бір баланың өмірін қиюы мүмкін. Ресми мәліметтерге сүйенсек: •2023 жылы Қазақстанда 31 бала терезеден құлаған, оның 1-і көз жұмған. •2024 жылы мұндай жағдайлар екі есеге көбейіп, 63 бала зардап шеккен, төрт бала қаза болған. •Ал 2025 жылдың алғашқы бес айының өзінде-ақ 60 бала терезеден құлаған, олардың 5-і өмірмен қош айтысқан. Осы туралы мәжіліс депутаты Асхат Айымбетов пікір білдірді. 2.Қазақстанда несие өсімі қарқын алып барады. Ұлттық Банктің дерегінше, 2025 жылдың мамырына қарай елдегі банктердің жалпы несие портфелі 37,3 триллион теңгеге жеткен. Бұл-небәрі бір айда 1,5 пайыз, ал жыл басынан бері шамамен 4 пайыздық өсім. Мамандар мұны халықтың қаржы тапшылығымен және тұтынушылық несиелерге тәуелділіктің артуымен байланыстырады. Қазір елімізде әрбір екінші азаматтың несиесі бар, ал әр оныншысы қарызын уақтылы төлей алмай отыр. Мәжіліс депутаты Дәулет Мұқаев бұл жағдайға пікір білдірді. 3.Соңғы апталарда ел назарын елең еткізген екі қайғылы жағдай тіркелді. Қазақстан әскерінде тағы екі жас сарбаздың қазасы жайлы хабар тарады. Бірінші оқиға-Алматы облысында. Қарасай шекара бөлімінде 19 жастағы Нұрасыл Әнуар есімді сарбаз әскери борышын өтеп жүргеніне небәрі бір апта болғанда көз жұмды. ҰҚК шекара қызметінің алдын ала мәліметінше, өлімге менингит ауруы себеп болуы мүмкін. Алайда марқұмның туыстары баланың дені сау болғанын айтып, әскери бөлімдегі жағдайдың толық зерттелуін талап етуде. Қазір сотқа дейінгі тергеу басталып, қызметтік тексеріс жүргізіліп жатыр. Екінші жағдай- 8 қазан күні, Маңғыстау облысындағы Үстірт шекара бекетінде, 20 жастағы сарбаз Еркебұлан Сағындықтың қазасы жайлы хабар тарады. Әскери бөлімнің ресми мәліметі бойынша, қайғылы жағдайға техникалық жұмыстар кезінде қауіпсіздік шараларын сақтамау себеп болған. Бірақ марқұмның отбасы бұл себепке сенбейді. Олар оның соңғы кезде қатты қиналып жүргенін, жиі ақша сұрағанын айтады. Анасы Гүлназ Жұмабаева: ұлы “басқа әскери бөлімге ауысқысы келіп, хабарласқанын ” мәлімдеді. Қазір бұл оқиға бойынша қылмыстық іс қозғалып, қызметтік тексеріс жүріп жатыр. Жалпы соңғы жылдары Қазақстан әскерінде сарбаз өлімдері жиілеп барады. Әскери прокуратураның мәліметінше, соңғы үш жылда 270 әскери қызметкер қаза тапқан. Олардың 36 пайызы-ауру салдарынан, 24 пайызы-жол апатынан, ал 20 пайызы -өз-өзіне қол жұмсағандар. Жүргізуші: Дүйсеней Айман Өмірбекқызы 📍Ақпараттық, танымдық бағытындағы жобамызға қолдау көрсетулеріңізді сұраймыз.