VIDEO
Лаззатҳои Меросӣ — ноҳияи Айни, деҳаи Искодар Имрӯз мо ба яке аз деҳаҳои зеботарини ноҳияи Айни — деҳаи Искодар омадем. Ин ҷо, дар миёни табиати кӯҳистон ва ҳавои соф, мардум то ҳол анъанаҳои куҳнаи ошпазии тоҷиконро нигоҳ медоранд. Дар ҳамин деҳа мо ду таоми қадимаи миллӣ тайёр кардем — нонпотак ва курути косагӣ. Нонпотак — хурокест, ки бо муҳаббат ва сабру таҳаммул омода мешавад, рамзи меҳнати занони тоҷик аст. Курути косагӣ бошад, аз шири поки гӯсфанд ё гов сохта мешавад ва маззаи аслии кӯҳистонро дорад — турш, болаззат ва серғизо. Ин ду таом на танҳо ғизо, балки қиссаи зиндагии кӯҳистон аст — оддӣ, пок ва пур аз меҳру муҳаббат. Мо бо аҳли деҳа нишастем, ин хӯрокҳоро якҷо омода кардем ва таъми ҳақиқии меҳмоннавозии тоҷиконро эҳсос намудем.
