Баетов—Кош-Дөбө жолун асфальттоо боюнча: «Урдуруп салганбы...»

Нарын облусунун Ак-Талаа районунун айрым тургундары Баетов—Кош-Дөбө унаа жолуна төшөлгөн асфальт сапатсыз жасалгандыгын айтып чыгышты. 12-январь күнү өткөн элдик жыйында Баетов айылынын тургуну Калысбек Тиленбаев: «Баетов—Кош-Дөбө унаа жолу мурун эле "шифер" болчу. Үстүнө асфальт төшөлүптүр. Ал деле "шифер" болуп калыптыр. Урдуруп салганбы... Ошол асфальт "шифер" боюнча калабы же кайра оңдолобу?», - деди.