Баспана тұрғызу, ұрпақ тәрбиелеу, ағаш отырғызу. Бұлар – кез-келген азаматтың бағзы заманнан бергі парызы. Отбасын құрып, жерге дарақ қадауға мүмкіндік жеткенімен, баспаналы болу – бүгінде де тұрмыстың түйткілі. Үкімет сол үшін тұрғынүй алуға әл-дәрмені жетпейтін әлжуаз топқа көмектесуге бар. Бұл тұста мемлекеттік бағдарлама бойынша «Қазақстанның тұрғын үй құрылыс жинақ банкі» АҚ 11 жылдан бері қолқанат.
