Атырауда көпшілік көзінше жерленген Қуаныш Шұғайыповтың денесі жоғалып кеткен

Қайтыс боларының алдында азамат қылмысты өз мойнына алмағаны үшін тәртіп сақшыларынан қорлық көріп, ақыры шыдамай өз-өзіне қол жұмсады дейді туыстары. Енді арулап көмілген ұлымызды қазып алып, жабылмаған істі анықтау үшін, аруақты тағы қорлағылары келеді деп егіледі ата-анасы. -Қалалық прокуратурасы бар, аудандық прокуратурасы бар бізге соны түсіндіріп берсін. Және біз өтінеміз әке шешесі мен 7 ағайындарының жазған талап арызымыз жоқ деген өтінішімізді қайырып берсін. Атырауда бір күн бұрын ғана арулап жер қойнына табысталған азаматтың денесі айдың-күннің аманында жоғалып кеткен. Бақилық болған Қуаныш Шұғайыповтың рухына қол жайып, құран бағыштамақ болып келген туыстары ашық жатқан қабірді көріп жағаларын ұстапты. Тіпті жақындары өлі денені қолды қылғандардың алыстан келмегеніне сенімді. Келісімсіз, рұқсатсыз марқұмның денесін қазып алғандар - тәртіп сақшылары дейді қайтыс болған азаматтың туғандары.