Темиртас Ал, дүние, өтеріңді біліп едім, Білдірмей серілікпен жүріп едім, Теміртас Бұл күнде арық қойдан бағам кейін, Үш жүзге атым мәлім Біржан едім. Қарасу есік алды ылайланды, Бай қылмақ, кедей қылмақ құдайдан-ды, Теміртас Қамзолдай келте пішкен дөңгеленіп, Дүние өтерінде шыр айналды. Жәкейдің ат суардым тұнығына Ажалдың кім ілінбес құрығына, Теміртас Кешегі ел қыдырған есер шақта, Қызыл су келмеуші еді жұлығыма. Қара нар жүк көтермес саздаған соң, Су шықпас ойпаң жерден қазбаған соң, Теміртас Жете алмай мұратыма болдым қапа, Тағдырда хақ-тағала жазбаған соң. Теміртас, Асыл, Ақық қарақтарым, Алдында жақсылардың бұлғақтадым. Теміртас Өгіздей ерге тартқан әкең өлсе, Күндерің не болады, шырақтарым.
