Майбұлақ ауылындағы Нұрата әулиесі. Ердәуіт баба кесенесі #Нұрата

Нұрата Түркістан облысы Төлеби ауданыда орналасқан әулиелі мекен. Ол Шымкент қаласынан 60 шақырым қашықтықта, Көксәйек-Қаратөбе тас жолыының бойындағы Майбұлақ ауылында орналасқан. Әулиенің басында кесене, қасында мешіт пен осы ауылдың зираты орналасқан. Өкінішке қарай, Нұрата туралы тарихи деректер кездеспейді. Бірақ ел аузындағы әңгімелерге қарағанда, Нұрата ерте замандарда өмір сүрген қасиетті кісі болған. Жүзінен нұр төгіліп тұрғандықтан халық оны Нұрата атаған көрінеді. Өте діндар, келешекті болжағыш әулие адам болған. Нұратаға зиярат етушілер қысы-жазы үзілмейді. Әулиенің басында бірнеше көзі бар бұлақтар ағады. Оның сулары Майбұлақ өзеніне құйылып жатыр. Бұлақтардың суын халық шипалы деп есептейді. Мұны ғалымдар да дәлелдеген. Әр көзден шығатын су әртүрлі дерттерге ем. Бірі бауырға, бірі өкпе, енді бірі тамақ пен мұрынға арналған. Әулиенің қасында Ердәуіт баба кесенесі де бар.