Сайт использует сервис веб-аналитики Яндекс Метрика с помощью технологии «cookie». Пользуясь сайтом, вы даете согласие на использование данной технологии.
Пайғамбарлықтың 13-жылы Исра мен Миғраж оқиғасы орын алды. Алла елшісі ﷺ жеті аспанның жоғарына көтеріліп, оған бес уақыт намаз парыз етілді. Кейін сол жылы қажылық уақытында пайғамбарға ﷺ Мадинадан жетпіс бес адам келіп серт берді. Адамдар серт беріп болған соң, Алла елшісі ﷺ олардың арасынан серттегі шарттардың орындалуын жауапкершілігіне алып, тайпаластарына бас-көз болатын он екі басшыны таңдауды талап етті. Сол кезде он екі басшы таңдалды. Қажылар, елдеріне аттанған соң пайғамбар ﷺ сахабаларына Мадинаға қоныс аударуға рұқсат етті.
