Ет, жұмыртқа, сүт арқылы құс тұмауы жұғатыны рас па? Осыған байланысты биология және вирусология маманы "етті қайнатқанда ішкі температурасы 70 градус дейін жеткізсе вирустар өліп, қауіп болмайды" дейді. Теориялық тұрғыда құс тұмауын шикі немесе дұрыс дайындалмаған ет, жұмыртқа мен пастерленбеген сүт арқылы жұқтыруға болады. Вирус 70 градус Цельсиде жойылады. Сондықтан өнімдерді жақсылап қайнатып, қуырып, тек пастерленген және қайнатылған сүт ішу керек.
