VIDEO
20-р зууны эхээр физикт квант хувьсгал гэгч явагдаж, матери нь бөөмлөг ба долгиолог шинжүүдийг зэрэг агуулдгийг нээсэн. Үүгээр өмнө нь бөөм гэгддэг байсан электрон долгиолог шинж чанартай, өмнө нь долгион эгддэг байсан гэрэл бөөмлөг шинж чанартай болж хувирав. Бөөм үү, долгион уу гэсэн маргаан гэрлийн хувьд квант хувьсгалаас бүр өмнө, Ньютоны үеэс үргэлжилсээр 19-р зууны эхээр Юнг, Френель нарын судалгаагаар долгиолог онол нь ялчихсан байсан юм. Энэ бүх түүхийг олон нийтэд хэт хүндэднэ гэж айн тахир дутуу болголгүйгээр жинхэнэ физик дээр нь төвлөрөн (ө.х. "насанд хүрэгчдэд" зориулан) анхнаас нь өгүүлэх "Бөөм үү, долгион уу?" гэсэн цуврал хичээлийн эхний дугаарыг толилуулж байна.
