МЕКТЕПТІ БАСҚАРУ ЖӘНЕ МЕНЕДЖМЕНТ: ҰСТАЗДАР ТӘЖІРИБЕ АЛМАСТЫ

Ордабасы ауданының білім бөлімінің "Атамекен" жалпы білім беретін мектебінде облыстың ұстаздарына арналған шеберлік семинары өтті. Шара барысында мектепті тиімді басқару әдістері, заманауи менеджмент құралдарын қолдану және білім беру үдерісін ұйымдастырудың жаңа тәсілдері талқыланды.Түркістан облысы Білім басқармасының мамандарының қатысуымен мектеп директорының орынбасарларына арналған «Мектепті басқару және менеджмент» тақырыбында шеберлік семинары ұйымдастырылды. Семинарға Ордабасы, Отырар, Арыс және Бәйдібек аудандарынан келген мұғалімдер қатысты. Олар үшін арнайы тәлімгерлік сабақтар ұйымдастырылып, педагогикалық шеберлікті жетілдіру жолдары ұсынылды.