Ақмола облысы Целиноград ауданы Қоянды ауылында тұрғындар жаңа мектептің ашылуын асыға күтіп жүр.

Қолданыстағы мектеп шамадан тыс жүктелген, балалар үш ауысымда оқуға мәжбүр. 2000 оқушыға арналған жаңа жайлы мектепті «BIGlobal» ЖШС салып береді. Ашылуы келесі жылдың желтоқсан айына жоспарланған. Қазір ғимараттың жобалау-сметалық құжаттамасы әзірленуде, құрылыс аумағы қоршалған, бейнебақылау камералары орнатылған, техника сақадай сай тұр.