Елімізде такси қызметін заңсыз көрсеткен жүргізушілер қатаң жазаланбақ. Тіпті, жолаушы тасымалдауға рұқсаты жоқ азаматтардың көлігін айып тұрағына қою мәселесі де қарастырылып жатыр. Заң жобасы қазір қоғам талқылауына шығарылды. Егер көпшілік мақұлдаса биыл күшіне енеді. Ал, жүргізушілердің өздері мұндай өзгеріске қандай пікір білдіріп жатыр? Ережені елемегендерге салынатын айыппұл көлемі қандай? Өмір Серікбекұлы айтсын. Заңсыз такси қызметін көрсеткендерді әкімшілік жазаға тарту заң жобасы өткен жылдың тамыз айында ұсынылған еді. Алайда, кейін толықтыруға жіберілді. Енді жаңа нұсқасы «Ашық үкімет» порталына шығарылыпты. Бұл жолғы ұсыныста әкімшілік жаза қатаңдатылған. CАЛТАНАТ СЕРІКБАЕВА, ҚР Әділет министрлігі заңнама департаменті әкімшілік заңнама басқармасының басшысы: – Бұл заң жобасы, егер заңсыз жолаушы тасымалымен айналысқан адам анықталған жағдайда оның көлігін тәркілеп, айып тұрағына апару үшін дайындалған. Яғни, құқық қорғау органдары заңсыз такси қызметін көрсету бойынша мәселені шешкенше машина айып тұрағында тұруы тиіс. Жаңа заң жобасына сәйкес заңсыз жолаушы тасымалымен айналысқан жеке тұлғаға 15 айлық есептік көрсеткіш, шенеуніктерге 25, ал заңды тұлғаларға 25-тен 150 айлық есептік көрсеткіш көлемінде айыппұл қарастырылған. Егер жүргізуші 12 айдың ішінде заң бұзушылықты қайталаса бұл сома екі еселенеді. ВИДЕО Тіпті, ережені елемегендердің көлігін айып тұрағына қою да көзделіпті. Мұндай әкімшілік жаза түріне келгенде жүргізушілердің пікірі екіге бөлінді. Жолаушы тасымалымен заңсыз айналысқандарды әкімшілік жауапкершілікке тарту заң жобасы «Ашық үкімет» порталында 19-шы сәуірге дейін қоғам талқылауында болады. Содан кейін үкіметке жолданып, мәжілісте қаралады. Өмір Серікбекұлы, Думан Сүлейменов Бізді әлеуметтік желіде оқыңыздар: Youtube - / @informburo31kanal Facebook - / informburo31 Instagram - / informburo31 Vkontakte -
https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #такси #АлматыТакси #такси_қызметі
