Мурза Гапаровдун "Аялдар деңизи" чыгармасы кыргыз адабиятындагы магиялык реализмдин өрнөгү болгон бирден бир чыгарма дээр элем. Анда адаттан тыш, мистикалык окуя аркылуу арбак, күнөө, дин, кудай, опаасыз дүйнө тууралуу катмар-катмар ой айтылат. Болгону үч каарман бар. Мурда капитан болуп иштеген акылынан азган чал, ак кан болуп ооруган эркек жана аялдар деңизиндеги абактан качып чыккан жаш аял. Бул үчөөнү эмне бириктирет? Бул үчөөнүн тагдыры аркылуу М.Гапаров бизге эмнени айткысы келген? Өзүңүз талдап көрүңүз.
