«Үш арыс» монументі С. Сейфуллин, Б. Майлин, І. Жансүгіров туралы бейнебаян

Қайырлы күн Құрметті достар! Бүгін сіздердің назарларыңызға «Үш арыс» ескерткіші жайлы онлайн Экскурсиямызды ұсынамыз!2019 жылдың 14 желтоқсанында тәуелсіздік күні мерекесіне орай елордада қазақтың ұлы жазушылары Сәкен Сейфуллиннің, Ілияс Жансүгіровтің, Бейімбет Майлиннің ескерткіші орнатылды. Ескерткіштің ашылуы көрнекті жазушылардың 125 жылдығына орай арналды. Ескерткіш авторы Сембіғали Смағұлов. Ескерткіштің ашылу салтанатына Сәкен Сейфуллин, Ілияс Жансүгіров және Бейімбет Майлиннің туыстары мен жақындары қатысты. Мүсін Абай Құнанбайұлы көшесіндегі Жазушылар аллеясында орналасқан.Жазушылардың туыстары мен достары ескерткіштің ашылуының маңыздылығына тоқталып, «бұл біздің ата-бабаларымызға жасаған құрмет қана емес, сонымен бірге бүкіл қазақ әдебиетіне, еліміздің барлық жазушысына жасалған құрмет» деп атап өтті.«Ұлтымыздың тар жол тайғақ кешкен жылдарын романының атауымен астарлап жеткізіп, қазақ атауын құжат жүзінде қайтарған Сәкен Сейфуллин мұрасының біздің руханиятымызда алатын орны ерекше. Бүгінде қаламызда музейі жұмыс істейді. Енді міне, ескерткіші ашылып отыр..Бейімбет Майлин өзінің жазушылығымен қатар, елді сауаттылыққа үндеп, алғашқы «Қазақ» газетіне, «Айқап»журналына және басқа да басылымдарға тұрақты мәселелерді жазған журналистігімен де көп еңбек сіңірді. Драматургтығы бір төбе. Әңгімелері әлі күнге дейін өзектілігін жоймай, жас ұрпақты тәрбиелеу мәселесінде пайдаланылып келеді. Ілияс Жансүгіров – қазақ фольклорын дамытқан тұлға. «Күйші», «Құлагер» поэмалары – тұнған тарих. «Ұлы даланың жеті қыры» атты мақаласындағы келелі ойлардың негізінде дүниеге келген бұл туындыны "көптің қуанышы» деп білеміз. Бұл ескерткіш өткенге құрмет қана емес, тарихымызға қойылған бірегей белгі, болашаққа деген кәміл сенім«Тұрсақ бір төбеде тұрамыз, өлсек бір шұңқырда өлеміз» деп серттескен алаштықтар, солардың жарқын өкілдері - Сәкен, Илияс пен Бейімбет бір жылда, яғни 1894 жылы өмірге келген. Қазақ әдебиетінің үш алыбы, бір жылда өмірге келген үш арыс бір жылда 1938 жылы жалған саяси айып тағылып ату жазасына кесілді. Сонымен қатар үшеуі де 1972 жылы ақталды. Үш тұлғаны бір-бірінен бөле жарып қарамай, бірге атайтынымыз, «үш бәйтерек» деп қастерлейтініміздің бір сыры осында жатыр.Бүгінгі жастар – еліміздің ертеңі. саяси ой - өрісіміз өрлеу жолына түскенде біздің кім екенімізді, ата - бабамыздың қандай болғанын, кең байтақ өлкені қалай қорғағанын, бостандықты қалай аңсап, қалай қастерлегенін, тегіміздің мызғымас мықты екенін ұрпаққа ұғындырып, келер ұрпаққа мирас етіп қалдыру жолында жанын құрбан еткен алаш ұлдары аз емес. Солардың бірегейі, әдебиетіміздің үш бәйтерегі атанған үлы тұлғалар-Сәкен Сейфуллин, Ілияс Жансүгіров, Бейімбет Майлин. Тәуелсіздікті ту еткен қазақ халқы осындай тұлғаларамызды мақтан тұтадыҚазақ халқының ұлттық әдебиетінің қалыптасуы мен елдің қоғамдық өмірінің дамуына үлкен үлес қосқан, өздерінің жазған түрлі тақырыптағы шығармаларымен адамдардың жаңа заманға сай, сауатты болуына, ой-өрісінің өсуіне ықпал еткен, елді оқуға, білім алуға шақырған, үшеуі де үш бәйтерек сынды қатар өсіп, туған елі үшін еткен еңбектерімен шырқау көкке көтерілген, халқының болашағына жол сілтеген асыл перзенттері.