Саха рок хамсааһыныгар бэйэтин суолун- ииһин хаалларбыт, айылҕаттан айдарыылаах, норуот таптыыр ырыаһыта Никииппэр Сэмиэнэп аатыгар «Мин ыллыы кэлиэҕим» Өрөспүүбүлүкэтээҕи ырыа курэҕэ хаһыс да төгүлүн ыытыллар. Быйылгы күрэх ураты долгутуулаах уонна суолталаах буолла, Никииппэр Сэмиэнэп төрөөбүтэ 60 сылыгар ананна. Быйылгы күрэххэ барыта 28 кыттааччы Өрөспүүбүлүкэбит араас улуустарыттан кэлэн күөн көрүстүлэр. Күүстээх тургутуу кэннэ муҥутуур уһукка 12 талааннаах ырыаһыт талыллан киирдэ. Күрэххэ эр дьон эрэ буолбакка кэрэ аҥардар эмиэ кытыннылар. Бииртэн биир чаҕылхай ырыаһыттар Никииппэр Сэмиэнэп репертуарыттан умнуллубат ырыаларын толордулар. Кини төрүттээбит «Аргыс» бөлөҕө бу киэһэни киэргэттэ. Зал иһигэр тобус толору мустубут көрөөччүлэр таптыыр ырыаларын истэннэр дуоһуйдулар, махталларын күүстээх ытыс тыаһынан доҕуһуоллаатылар. #нюрба #нюрбинскийрайон #трснюрба #никифорсеменов
