Семейдегі қонақ үй құрлысының челленджі әлі жалғасуда!

Кеше марапаттаудан кейін бірден құрылыс басына келдім. Семейдегі қонақ үй құрылысы – қаламыздың келбетін көркейтуге, инфрақұрылымын дамытуға, өзге өңірлерден және шетелден келетін қонақтарға қолайлы жағдай жасауға бағытталған үлкен мақсат. Кеудемдегі медаль - еңбектің бағасы ғана емес, жауапкершіліктің белгісі. Сондықтан осы жобаны жыл соңына дейін аяқтау – өзіме, командамызға қойған нақты челлендж. Қазір құрылыс алаңында жұмыс қарқыны жоғары. Әрине, құрылыс болған соң түрлі өзгерістер мен форс-мажорлар болады. Бірақ бастысы - жұмыс тоқтамайды. Өйткені біз нәтиже үшін, ел үшін, Семей үшін еңбек етіп жатырмыз. Энергияны, күшті, шабытты мен өз отбасымнан, ата-анамнан, командамнан және сіздердің қолдауларыңыздан аламын. Кеше алған төсбелгі де осы еңбектің еленіп жатқанын көрсетеді. Сондай-ақ, осы жобаны қаржыландырып жатқан серіктесіміз БЦК банкіне ерекше алғыс білдіремін. Сенім мен серіктестік – істің берекесін арттырады. Жыл соңына дейін құрылыс аяқталуы тиіс. Бұл – біздің нақты мақсатымыз. Челленджімізді қолдап, пікір-сөздеріңізді жазып кетіңіздер! 🤝🏻