Маңғыстау облысындағы Бозжыра шатқалы қонақ үй салынады дегелі бері туристердің ең көп баратын жеріне айналған. Бірақ Ақтаудан 300 шақырымда жатқан жазықта не қоқыс жәшігі, не дәретхана жоқ. Ал жарты жыл бойы дау тудырып, қызу талқыланып келе жатқан Бозжыра қонақ үйінің құрылысы әлі мақұлданбаған. МАХАББАТ НҰРЖАНҚЫЗЫ, тілші: – Дәл осы керемет көріністі көру үшін шетел асып келіп жатқан туристер бар. Ал бұл жер 35 миллион жыл бұрын Тетис Мұхитының түбі болған. Ал оған дәлел былтыр табылған акуланың тісі. Ал бұрынғы мұхиттың орны табиғат құбылысының әсерінен осындай шатқалға айналған. Мұнда келу үшін Ақтаудан 300 шақырым асфальт жолмен, одан соң Бозжыраның жоғарғы панорамасына дейін қара жолмен 20 шақырым жүру керек. Ал төменгі панорамаға дейін тағы 40 шақырым ойқы-шойқы жол. Бірақ 3 мың шақырымнан - Қарағандыдан келген Жанқанат керісінше, жолға тас төсеудің қажеті жоқ дейді. ЖАНҚАНАТ РЫЗЫҚБАЙ, турист: – Бәрі тамаша. Бір ғана кемшілік - тамақ ішкенде қоқыс тастайтын жерлер болса, тіпті тамаша болып кетуші еді. Табиғаттың өзі байлығы өзі осы ғой. Мамандар болса, соңғы екі айда екі мыңға жуық турист келген Бозжыра шатқалына барар жолға асфальт төселгені абзал дейді. Сонымен қоса, келушілерді қабылдайтын бір орталық керек. ОРЫНБАСАР ТОҒЖАНОВ, Маңғыстау облыстық Экологиялық білімді үйлестіру кеңесінің төрағасы: – Туристерді қабылдайтын орталық салу керек дегенде бір ғана мақсат бар, мынау транспорттың жүрісін бәсеңдету керек, туристердің қозғалысын тәртіпке келтіру керек. Тіпті өткенде бір келгенде тонау екі азу тіс тұрған жердің баурайына машинаның өрмелеп салған ізі жатты. МАХАББАТ НҰРЖАНҚЫЗЫ, тілші: – Бозжыра шатқалын тамашалауға келетін туристер дәл осы жерде түнейді дейді мамандар. Ал бұл жерде әжетхананың жоқтығы мен қоқыс жәшігінің болмауы да үлкен мәселе болып отыр. Туристерден қалдырған қоқысты инспектор мамандардың өздері жинап шығады екен. НАУРЫЗ ӘНЕСОВ, Жабайұшқан табиғи қаумалының аға инспекторы: – Осы жерге шлагбаумдар қойылып, қоқысты жәшіктер қойылып айына бір рет немесе екі рет барлық осы жағдайлар жасалса деген хатпен шығып жатырмыз. Әжетхана мәселесі енді бұл ерекше қорғалатын табиғи аумақта алдағы уақытта эко, био туалеттер салынбаса, былай жер қазылып салынуға болмайды. Жабайұшқан қаумалына енетін Бозжыра шатқалынан 4 шақырым жерден салынады деген қонақ үйдің жобасы әзірге мақұлданбаған. Өйткені, ұсынған жоба экологиялық талапқа сай емес дейді экологтар. Махаббат Нұржанқызы, Сәбит Амангелдіұлы, Мұхаммед Шадкам Бізді әлеуметтік желіде оқыңыздар: Youtube - / @informburo31kanal Facebook - / informburo31 Instagram - / informburo31 Vkontakte -
https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #туризм #Бозжыра #Маңғыстау #демалыс_аймақтары
