Рашче под постојана закана - има ли план „Б“ за водоснабдување на Скопје?

Скопје, во моментов, нема проблем со водоснабдувањето, но што ако канцерогениот шестовалентен хром од депонијата кај „Југохром“, кој веќе го има во околните подземни води, продре до Рашче? Каква стратегија има Град Скопје за алтернативно водоснабдување на главниот град и зошто континуирано не се мониторира изворот Врело? Ова се прашања на кои градоначалничката на Град Скопје, Данела Арсовска, не сакаше да даде одговор пред нашата камера. Иако уредно ја почекавме да заврши со прес-конференцијата по што ги поставивме прашaњата, таа ни возврати со зборовите „На боледување сум, срамота е ова што го правите“.