Жамбыл облысында дүлей дауыл кезінде 17 жастағы жасөспірімнің қаза тапқаны белгілі болды. Марқұм Дінмұхаммед Әділханов қатты желден ұшқан шатырды жөндеу үшін үйінің төбесіне шығыпты. Бірақ сол сәтте жел екпіні жасөспірімді де жұлып әкетіп, жерге құлатқан. Дінмұхаммед алған жарақаттарынан жедел жәрдем келгенше көз жұмды. Кеше түрлі дене жарақатын алған 51 тұрғын медициналық көмекке жүгінген. 10 науқас ауруханаға жатқызылып, тиісті ем-домын алып жатыр. Табиғи апат салдарын жоюға жүздеген адам жұмылдырылды. Десе де, көше-көшеде құлаған талдар мен қисайған бағдаршамдар әлі жатыр. Сондықтан орталықта көлік кептелісі көп. Әрі келген шығын көлемі де толық есептелмепті. Әкімдік өкілдері зақымданған электр желілері қалыпқа келтіріліп, бірқатар әлеуметтік нысанға жарық бердік деп сендірді. Әйтсе де алты мыңнан астам абонент жарықсыз отыр. Білім басқармасының дерегінше, қазірдің өзінде 80 мектептің оқушысы қашықтан оқытылып жатыр. Себебі білім ошақтарындағы жылыту қазандықтары іске қосылмаған. Алайда шенеуніктер қалыпқа келтіру жұмыстары ертең кешке дейін толық аяқталатынын жеткізді. Ал дауыл кезінде бүлінген көліктер мен қираған нысандардың шығынын кім өтейтіні белгісіз. РҮСТЕМ ДӘУЛЕТ, Жамбыл облысы әкімінің орынбасары: – Қазір аудандық әкімдіктердің мамандары жұмыс жасап жатыр. Барлығын есептеп, акт жасап жатыр. Соның барлығын есептеп болғаннан кейін біз кейін тағы да ресми хабар береміз. Қарап қандай мүмкіншілігі бар заң аясында. Бірақ осының шеңерінде зардабын жою үшін аудандық әкімдіктердің бәрі жұмыс жасайды. Бізді әлеуметтік желіде оқыңыздар: Youtube - / @informburo31kanal Facebook - / informburo31 Instagram - / informburo31 Vkontakte -
https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #Тараз #төтенше_жағдай #табиғи_апат
