БҚО Казталов ауданы Қоныс ауылында 60 орындық жаңа мектебі ашылды.

Білім ордасының құрылысы Мемлекет басшысының апатты мектептердің орнына жаңа білім ошақтарын салу жөніндегі тапсырмасына сәйкес «Қарашығанақ Петролиум Оперейтинг Б.В.» компаниясының әлеуметтік жауапкершілігі аясында жүзеге асты. Заман талабына сай жабдықталған білім ордасында 11 оқу кабинеті, спорт залы, асхана, кітапхана, мәжіліс залы қарастырылған. Салтанатты шараға облыс әкімінің орынбасары Қайыржан Меңдіғалиев қатысып, қоныстықтарды жаңа мектептің ашылуымен құттықтады. Ол бұл білім ордасының бой көтеруі – мемлекет пен бизнестің, жергілікті билік пен халықтың бірлескен еңбегінің нәтижесі екенін атап өтті. Сондай-ақ облыс әкімінің атынан мектепке LED экран табысталды. Қоныс ауылында ашылған жаңа мектеп – жас ұрпаққа жасалған маңызды қадам әрі ел болашағына салынған инвестиция. Заманауи білім ордасы ауылдың даму қарқынын арттырып, балаларға сапалы білім алуға кең мүмкіндік береді.