Н.НӘЛІБАЕВ: БАСТЫ ТАЛАП – САПА

Күрделі жөндеу жұмыстарына қойылатын басты талап – сапа. Қаладағы бірқатар денсаулық сақтау нысандарындағы күрделі жөндеу жұмыстарын көрген облыс әкімі Нұрлыбек Нәлібаев кемшіліктерді дер кезінде жөндеуді тапсырды. Облыстық жұқпалы аурулар ауруханасы 1989 жылы салынған. Емдеу нысанында бір ауысымда 400 адам жұмыс істейді. Бүгінде ғимарат күрделі жөндеуден өтуде. Жұмыстың 45 пайызы орындалыпты. Мердігер мекеме «Абу-Сер» ЖШС. Келер жылға өтпелі нысанда жүргізілген жұмыстардың сапасына қатысты сын көп. //Бөлмелерде өтетін жерде тым болмағанда неге осылай жасамайсыңдар? Өзі ауру адам жатқан әр палатада. Содан шығады да сүрініп құлайды ғой. Қанша жылдан бері осы ақшаны сұрадыңдар. Мына жерге бөлніп жатқан ақша 1,5 млрд-тай неге сапалы жасатпайсыңдар? 14 мың шаршы метр аумақты қамтитын ғимаратқа бөлінген қаржы да қомақты. Сондықтан жұмыс сапасы барлық бақылаудан өтуі тиіс. Облыс әкімі қадағалау жұмыстарына немқұрайлылық танытқандарға да талап қойды. Әрі қарай Нұрлыбек Машбекұлы облыстық психикалық денсаулық орталығындағы күрделі жөндеу жұмыстарын көрді. Орталық 1973 жылы пайдалануға берілген. «СМП-Қызылорда» серіктестігінің басшысы жұмыстың 85% аяқталғанын жеткізді. Дегенмен мұнда да сапасыз жұмыстар көп деді облыс әкімі. Еденге құйылған бетон тегіс емес, төселген линолеум қазірден тесіліп жатыр. 2021 жылы салынған бұл ғимарат қазір облыстық онкология орталығына берілген. Мекеме 185 төсек-орынға арналған. Емдеу нысанына қажетті жабдықтар да толықтырылған. Мұнан соң облыстық фтизиопульмонология орталығында болған аймақ басшысы ғимараттың жылу жүйесіне қатысты кемшіліктерді дер кезінде түзету қажеттігін айтты. Бес қабатты, 235 төсек-орынға арналған ғимараттағы жөндеуді «Асар» ЖШС жүргізуде. Алдағы жылға өтпелі жөндеу жұмыстарының 60%-ы аяқталған. Облыс әкімі барлық нысандардағы кемшіліктерді түзетуді тапсырды. Межелі уақытта қалпына келтірілмесе жауапты сала басшыларына шара көрілетінін де ескертті. Сайт -
Facebook -   / qyzylordatv   Instagram -   / qyzylordatv   Telegram -
Tiktok -  / qyzylorda_tv