Абаҕа нэһилиэгэр саҥа балыыһа дьиэтэ аһылынна

Амма улууһун Абаҕа нэһилиэгэр 2022 сыл ахсынньы 2 күнэ историяҕа хаалар биир бэлиэ күн буолла. Ахсынньы аам-даам тымныытын аахсыбакка Абаҕа олохтоохторо өр күүппүт-кэтэспит, үгүс мунньахтарга туруорсубут саҥа балыыһа дьиэтэ тутуллан үлэҕэ киирдэ. Толору хааччыллыылаах сырдык, сылаас дьиэ малааһыныгар ыраахтан-чугастан үгүс ыалдьыт кэлэн эҕэрдэ эриэккэһин эттилэр, махтал бастыҥын анаатылар. Күн бүгүн врачебнай амбулатория 10 үлэһиттээх. Сэбиэдиссэйинэн 2017 сылтан эдэр эмчит, терапевт быраас Лилия Белолюбская үлэлиир. Уопсайа 110 кв. м. иэннээх дьиэ “Доруобуйа” национальнай бырайыак чэрчитинэн тутуллубут. Биэриигэ Абаҕа агрооскуолатын 11 кылааһын үөрэнээччитэ Богдан Васильев бэйэтэ устан таҥан оҥорбут балыыһа үлэтин-хамнаһын көрдөрөр, үлэлээн ааспыт дьоннорун хаартысканан кэпсиир видеоролигын туһанныбыт. #амга #амма #нвксаха #якутия #новости #сонуннар #yakutia #больница #балыыһа #абаҕа #абага #сахасирэ #