ӨМӨЗО-ны Ордос хотын “Чингис хааны онгон” хэмээх аялал жуулчлалын цогцолбор газрын сонирхолтой түүх. Тус нутгийн иргэд онгон газар гэдгийг бунхан биш харин ариун дагшин гэсэн утгаар нь хэрэглэдэг юм байна. Энд Чингис хааны сүнсэн онгоныг тахиж, тайлга хийдэг. 1227 онд Чингис хаан тэнгэр болох үед нь тэмээний магнайн ноосыг аманд нь тавьж сүнсийг нь шингээж авч, түүний хэрэглэж байсан эд зүйлстэй нь хамт энэ ордонд онгон хэмээн байршуулан тахисан гэдэг. Цаг төрийн үймээнээс болж Чингис хааны онгоныг тайж тахиж ирсэн шар дархадууд онгоныг залан Алтай нуруу хүртэл нүүж байсан боловч эцэстээ Монь уулын энгэр Бортохойд ирж нутагласнаас хойш Ордос хотод тахидаг болсон түүхтэй. Тус тахилга Чингис хааны онгон шүтээний төвд болдог ба монголчуудын эртний зан үйлийн үеэр 99 цагаагчин гүүний сүүг мөнх тэнгэртээ өргөж, тэнгэрийн 12 дууг тэнгэрийн хэлээр дуулдаг юм. Тус газрыг зорих жуулчдын хөл тасардаггүй бөгөөд Ордос хот жилдээ ойролцоогоор 10 гаруй сая гадаад дотоодын жуулчин хүлээн авдаг юм байна. Нислэгийн давтамж: 7 хоногт 2 удаа – Лхагва, Бямба гараг бүр
