Жыл басталған 25 күннің ішінде он мың қазақстандық өзін-өзі банкрот деп тану бойынша өтінім берген. Ал қаржы министрлігінің өкілдері банк алдындағы берешегінен құтылуға асыққан азаматтар өзін банкрот деп жариялаудың салдарын ескерсе дейді. Өйткені қаржы ұйымдарындағы қарызы кешірілген жеке тұлғалар бес жылға дейін банктен несие рәсімдей алмайды. Тек қаржыдан қатты қысылса азын-аулақ ақшаны ломбардтар ғана береді. Ал ондағы берешегін өтей алмаса кепіл ретінде қалдырған бағалы заты ломбардқа өтеді. Тақырыпты әріптесім Айжан Шәмшидин жалғастырады. Өзін-өзі банкрот деп тану үшін өтінім берерде ерлі-зайыптылардың мүлкі ескеріледі. Қаржы министрлігінің ақпарына сай, егер некелескеннен кейін отбасы мүшелерінің ортақ мүлкі болса бұл мүлік банкроттық процедура кезінде өтініш берушінің қосымша активі ретінде саналады. Автокөліктен басқа жекеменшік пәтері немесе үлесі болса, ол қарызын төлеуге мүмкіндігі бар азамат ретінде қарастырылады. ЕРЖАН БІРЖАНОВ, ҚР Қаржы вице-министрі: – Банкроттық процедурасы кезінде біз азаматтың мүлкі, отбасының мүлкі немесе қарызы, басқа да активтері бойынша мағлұматты жинаймыз. Егер де банкроттық кезінде жалған ақпарат ұсынғаны немесе өз мүлкін отбасы мүшесіне аударғаны анықталса әлгі азамат бұл процедурадан өтпейді. Өзін- өзі банкрот деп жариялағандар шет елге еш кедергісіз шыға алады. Тек оның өтініші қаралып, қорытынды шығарылғанға дейін елде болуы шарт. Ескере кететін бір жайт мемлекетке миллиардтаған берешегі бар 1 миллион азамат өзін банкрот деп тапқаннан кейін олар үшін банктердің есігі тарс жабылады. Несие рәсімдеуге рұқсат берілмейді. Дегенмен қолма-қол ақшаны олар ломбардтардан ала алады. ЕРЖАН БІРЖАНОВ, ҚР Қаржы вице-министрі: – Банкрот деп өзі-өзін жариялаған адам ақшадан қысылып, 10-20 мың теңге керек болса мәселен ас-ауқатқа делік ол ломбардқа бағалы затын өткізу арқылы ғана ақша ала алады. Басқа қаржылық ұйымдардан ақша берілмейді. Бұл өзгерісті енгізген себебіміз, ломбардқа қарызын төлей алмай қалған жағдайда заты берешек орнына ломбардта қалады. Айта кетейін, банкроттыққа өтінім беру наурыз айының үшінен басталады. Жеке тұлға өзін үш тәсіл арқылы банкрот деп жариялай алады. Алғашқысы, соттан тыс банкроттық, екіншісі сот банкроттығы және төлем қабілеттілігін қалпына келтіру. Бұл рәсімдерді тек қарыз алушының өзі ғана бастай алады. Банкроттыққа өтініштерді «E-gov» электрондық үкіметі, «E-salyg Azamat» қосымшасы және Халыққа қызмет көрсету орталықтары арқылы онлайн тапсыруға болады. Бізді әлеуметтік желіде оқыңыздар: Youtube - / @informburo31kanal Facebook - / informburo31 Instagram - / informburo31 Vkontakte -
https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
