VIDEO
“Нэг л мэдэхэд шуурга дуусна. Чи яаж энэ шуургыг давснаа ч мэдэхгүй, ер нь шуурга яг дууссан эсэхийг ч мэдэхгүй гайхан зогсох болно. Харин нэг л зүйл тов тодорхой: шуурга руу анх орж байсан хүнээс чи шал өөр хүн болон гарч ирсэн байна. Үүнд л бүх утга учир оршиж байсан юм”. Харуки Мураками “Бие минь сайхан тэнхэрч байна аа” гэж жилийн дараа дахин төрсөн олон хүүхэдтэй ээж, саяхан хэцүү хагалгаанд орсон ээж, химийн болон туяа эмчилгээ хийлгэж буй ээж нар надад бичихэд өр минь өмөрдөг. Зүгээр л сайхан мэдээ болох энэ гуравхан үгний цаана хичнээн их өвдөлт, нойргүй шөнүүд, цөхрөл, хүчин мөхөстөл, ганцаардал байдгийг хүн бүр мэдэхгүй л дээ. Бидний хувьд нүд ирмэхийн зуур өнгөрдөг өдрүүд, долоо хоногууд, сарууд, хэн нэгний хувьд дуусашгүй галвууд мэт удаанаар, даашгүй их зовиураар мөлхдөг. Заавал ч хүндрэлтэй гэлтгүй, жирийн сайхан төрсөн ээж бүрт, энгийн амжилттай хагалгаа, эмчилгээ, ахуйн үйл явдал, амьдралын учрал тохиол бүрт өөрийн гэсэн хөндүүр байдаг. Хүн бүрт өөрийн зовлон бий. Бас хүн бүрт түүнийг даван туулсан өөрийн үнэн, үнэ цэн байдаг. “УЙ ГАШУУГ ДАВАН ТУУЛАХУЙ” цомог бол миний хамгийн эрэлттэй цомог биш ээ. Уул нь хамгийн хэрэгтэй цомог юм байгаам. Шуурганы дараа биш өмнө нь энэ бүхнийг мэдэж, амьдралын хөлгөө жолоодон, эх газарт энх эсэн мэнд хүрсэн хатан зоригт та нарыгаа энгэртээ тэвэрье. Нар үргэлж байдаг. Тас харанхуй шөнө ч гэсэн бөмбөрцгийн нөгөө бөөрөнд нар байгааг мэддэг, маргааш өглөө нар заавал мандахыг, бүрхэг өдрийн түмэн үүлсийн ард ч мандсаар л байгааг нь мэддэг болсон, нарыг хайрладаг болсон, өөрөө НАР болсон охин чамайгаа адислан тэвэрье. ГООДАЛЬ ревью подкаст #7 “Уй гашууны нэрийн өмнөөс” таны сонорт хүрч байна. Хөтлөгч: СЭТГЭЛЭДГЭРЭЛ сургалтын системийн анхан шатны сургалтуудын туслах багш Б.Бат- Уянга Оролцогч: СЭТГЭЛЭДГЭРЭЛ сургалтын системийн анхан, дунд шатны сургалтуудын төгсөгч О.Хулан Цахим орон зай: / goodaliofficial / goodalioffi. . / goodaliof. . / goodaliofficial ГООДАЛЬ апп:
