Компаниудын хоорондох төлбөр мөнгөний асуудлаас болоод ажилчид цалингаа авч чадахгүйд хүрээд байна.

📍 Сонгинохайрхан дүүргийн 34-р хороо, Баянголын ам буюу “Буман-Өлзий” хорооллын хойд хэсэгт баригдаж буй 2007 айлын орон сууцны хорооллын төслийн ажил 35 хувийн гүйцэтгэлтэйгээр үргэлжилж байна. Ilsung Construction Co., Ltd, Сүмбэр Цамхаг ХХК болон бусад туслан гүйцэтгэгч нарын хоорондох төлбөр мөнгөний асуудлаас болоод ажилчид цалингаа авч чадахгүйд хүрээд байна. 🏗 Хотын дарга Х.Нямбаатар төслийн хэрэгжилттэй газар дээр нь танилцаж, зөрчлийг арилгаж, гэрээний хугацаанд барилгыг ашиглалтад оруулах үүрэг холбогдох байгууллагуудад өглөө. ⚡️ Эрчим хүчний хэмнэлттэй, иргэдийн орлогод нийцсэн уг орон сууцны хорооллын төслийг 🇰🇷 БНСУ-ын Экспорт-Импорт банкны санхүүжилтээр хэрэгжүүлж байгаа бөгөөд төслийн хүрээнд 960 хүүхдийн сургууль, 240 хүүхдийн цэцэрлэг шинээр барихаар төлөвлөжээ.