Хабарингиз бор, собиқ, “Юбилейний” деб аталувчи Термиз марказий деҳқон бозори 2018-йилда ўз фаолиятини тугатиб, бозор шаҳарнинг бошқа ҳудудига кўчирилганди. Аммо собиқ “Юбилейний” бозори ҳудудида сунъий яратиб олинган ноқонуний фаолият ва тартибсизликлар салкам 6 йилдан буён давом этиб келаётганди. Сурхондарё вилоят хокимининг топшириғига асосан ташкил этилган ишчи гуруҳ ушбу ноқонуний бозорда бўлиб реал ҳолат билан яқиндан танишди.
