Аймақ басшысы құрылыс нысандарын аралады

#qyzylordatv Заман талабына сай салынып жатқан жаңа «Достық үйінің» құрылысы жыл аяғына дейін аяқталып, пайдалануға берілмек. Ал, «Қызылорда Арена» көпфункционалды спорт кешені келер жылдың екінші жартыжылдығында ел игілігіне табысталады. Облыс әкімі Нұрлыбек Нәлібаев жауапты басқарма басшылары және зиялы қауым өкілдерімен бірге қаладағы осы және өзге де құрылыс нысандарын аралап, жұмыс барысымен танысты. Алдымен Нұрлыбек Нәлібаев Сұлтан Бейбарыс көшесінен бой көтерген «Қызылорда Арена» көпфункционалды спорт кешенінің құрылысымен танысты. Құны 20 млрд 500 млн теңгені құрайтын кешен төрт қабаттан тұрады. Спорттық нысанда еркін және классикалық күрес, бокс, теннис, таэквандо, самбо мен дзюдоға арналған залдар қарастырылмақ. Сондай-ақ, әмбебап және шағын спорт залдары, әлемдік стандарттарға сай бассейн, тренажер, төрешілер мен жаттықтырушыларға арналған киім ауыстыратын және тағы да басқа қосалқы бөлмелер орналасады. Мамандардың айтуынша, «Қызылорда Арена» оқу-жаттығуға, жарыстар өткізуге мамандандырылған кешен болады деп күтілуде. НҰРЛЫБЕК НӘЛІБАЕВ – ОБЛЫС ӘКІМІ // Қаражаты барлығы шешілген. Мәселе жоқ. Бюджеттен биылдың да, келер жылдың да қаражаты шешіліп тұр. Сондықтан жұмыстарды тездетіп бітіру керек. Жақсы нәрсенің тезірек біткені жақсы ғой. Сапаға бірінші көңіл бөлу керек. Қанша жыл күткен ғимарат. Қызылордада бірінші рет салынып жатыр бұл ғимарат. Сондықтанда өте сапалы әрі әдемі болу керек. Ені 93 метр, ұзындығы 100 метр. Ішінде 50 метрлік бассейін әлемдік стандартқа сай, екі жарым мың орындық футзал, оның ішінде түрлі шараларды өткізуге болады. Жиындар, форумдар, семинарлар, концерт бере беруге болады. 300 орындық конференция залы.// Мұнан кейін, облыс әкімі жаңадан салынып жатқан «Достық үйінің» құрылыс алаңына барды. Аталған ғимарат демеушілер есебінен салынуда. Қазір мұнда қызу жұмыс жүргізіліп жатыр. Нысан 4 қабаттан тұрады. Арнайы концерт залы мен көпшілік жиын өткізуге арналған орындар қарастырылған. Бір сөзбен, өңірдегі барлық этномәдени бірлестік өкілдері өнімді жұмыс істеуге қолайлы жағдай жасалмақ. Ғимарат қараша айында аяқталып, ел игілігіне табысталады деп күтілуде. НҰРЛЫБЕК НӘЛІБАЕВ – ОБЛЫС ӘКІМІ / Сапаға қатты көңіл бөлу керек. Әр детальдарын өзіңізбен келісіп жасап жатырмыз ғой. Қараша айында бітіріп, ел игілігіне табыстау керек. Жақсы ғимарат. «КазАтомПром» компаниясына рақмет. Біздің өтінішімізбен салып беріп жатыр. Ертең ардагерлер болады, жастар болады, ассамблея. Сондықтан барлығын уақыты әрі сапалы аяқтау керек.// Нұрлыбек Нәлібаев қаланың сол жағалауында салынып жатқан 300 төсек-орындық онкологиялық бөлімшесі бар көпсалалы аурухана мен ауысымына 100 адамды қабылдайтын емхананың құрылысын да көрді. Жоба құны 36,4 млрд теңгені құрайтын нысан келер жылы ел игілігіне табысталмақ. НҰРЛЫБЕК НӘЛІБАЕВ – ОБЛЫС ӘКІМІ // Әсіресе, онкологиялық бөлім ол бізге өте қажет. Қаншама халық күткен дүние өте сапалы бітіру керек. Мемлекет басшысының және Үкіметтің қолдауымен қазір енді қаражаттың аздығына қарамай бұл үлкен қаражат. Өте үлкен жобалар. Соңғы екі жылда біздің өңірімізде денсаулық сақтау саласы бойынша қалаға 100 млрд кқаражат келіп жатыр ғой. Оған үш осындай алып жоба жүзеге асып жатыр...// Ал, қызылордалықтардың тынығып, демалатын сүйікті орындарының бірі – Президент саябағы биыл алғаш рет қайта жаңғыртудан өтіп жатыр. Қазір мұнда құрылыс қарқыны жоғары. Демалыс аймағының абаттандыру аумағы – 71,66 гектарды құрайды. Оның 19 мың шаршы метрі – құрылыс алаңы. Жаңа жобада тұманды фонтан, фудкорт, амфитеатр, скейт парк, памп трек, шахмат пен воркаут алаңдары секілді ерекше кеңістіктер қарастырылған. Сонымен қатар, саябақта жылдың төрт мезгілінде жұмыс істейтін 300 орындық заманауи балалар тынығу лагері мен Ботаникалық білім беру орталығы салынуда. Құрылыс нысандарын аралап шыққан облыс әкімі мердігер мекеме өкілдеріне аталған нысандарды уақытылы әрі сапалы аяқтауды тапсырды. Сайт -
Facebook -   / qyzylordatv   Instagram -   / qyzylordatv   Telegram -
Tiktok -  / qyzylorda_tv