VIDEO
Энэ удаагийн дугаараар Монгол Улсын Ерөнхий сайдыг огцруулсан үйл ажиллагаа Монгол Улсын Үндсэн хуульд нийцсэн эсэх маргааныг хянан шийдвэрлэсэн тухай Үндсэн хуулийн цэцийн 2025 оны 10 сарын 22-ны өдрийн 08 дугаар дүгнэлтийг танилцууллаа. 2025 оны 10 сарын 07-ны өдөр Монгол Улсын Их Хурлын 54 гишүүн Ерөнхий сайдыг огцруулах саналыг албан ёсоор тависны дагуу Монгол Улсын Их Хурал 2025 оны 10 сарын 16, 17-ны өдөр хуралдаж Монгол Улсын Ерөнхий сайдыг огцруулах тухай 95 дугаар тогтоолыг баталсан. Энэ нь 2019 оны Монгол Улсын Үндсэн хуулийн нэмэлт, өөрчлөлт батлагдсанаас хойших Үндсэн хуулийн дөчин гуравдугаар зүйлийн 1 дэх хэсэгт заасан ерөнхий сайдад итгэл эс үзүүлэх санал хураасан анхны тохиолдол юм. 2021 онд тухайн үед Ерөнхий сайд байсан У.Хүрэлсүх өөрөө хүсэлт өгснийг, 2025 онд тухайн үед Ерөнхий сайд байсан Л.Оюун-Эрдэнийг Монгол Улсын Үндсэн хуулийн дөчин дөрөвдүгээр зүйлийн 1 дэх хэсэгт заасан Ерөнхий сайд өөрт нь итгэл үзүүлсэн эсэх асуудлаар санал хураалгахаар хандсаныг тус тус хэлэлцэн огцруулж байв. 00:00 - Эхлэл 02:38 - Монгол Улсын Ерөнхий сайдын цэцэд хандан гаргасан хүсэлт, ихэсгэсэн шаардлагын үндэслэл 09:27 - Монгол Улсын Их Хурлын Дэд дарга болон Улсын Их Хурлын итгэмжлэгдсэн төлөөлөгчдийн тайлбар 16:45 - Шинжээчийн дүгнэлт 33:10 - Монгол Улсын Үндсэн хуулийн цэцийн дүгнэлтийн үндэслэх хэсэг 01:02:17 - Төгсгөл Дугаарт яригдсан шийдвэр: Монгол Улсын Ерөнхий сайдыг огцруулсан үйл ажиллагаа Монгол Улсын Үндсэн хуульд нийцсэн эсэх маргааныг хянан шийдвэрлэсэн тухай Үндсэн хуулийн цэцийн 2025 оны 10 сарын 22-ны өдрийн 08 дугаар дүгнэлт
