Абай ұрпақтарының қуғындалуы.

АБАЙДЫҢ ҰРПАҚТАРЫ... Абай үш рет неке қидырған. Бәйбішесі Ділдәдан(1843-1924) Ақылбай(1861-1904), Әкімбай(1866-1874), Әбдірахман (1869-1895), Мағауия(1870-1904), Гүлбадан(1863-1932), Райхан(1871-1896) атты алты бала көрді. Ал екінші әйелі Әйгерімнен(1856-1918) Тұрағұл(1875-1934), Мекәйіл(1884-1931), Ізкәйіл(1895-1929), Кенжеқыз(1901-1932) есімді төрт бала дүниеге келді. Үшінші әйелі Еркежаннан бала сүймеген. Ақыл-ойдың шамшырағы атанған Абайдың артында қалған ұрпақтарының біразы қуғын-сүргінге ұшыраған. Бірқаншасы соғыстан оралмаған. Көпшілігінің ұл перзенттері болмаған. Еркек кіндіктен тек Ақылбайдан тараған ұрпақтары  бар екен. Ақылбайдың Әлімқұл деген баласынан Бағыфұр, одан Эрнест, Бауэр, Айдар туған.  Эрнестің Айдос, Айдардың Данияр деген ұлдары бар. Айдостың баласы жоқ. Ал Данияр үш қыз өсіріп отыр. Айдос пен Данияр – Абайдың еркек кіндіктен тараған соңғы тұяқтары сияқты... (БАҚ-тан)