Атырау облысы Талдыкөл ауылының тұрғындары он жылдан бері жол азабын тартып келеді

БІЗДІҢ YOUTUBE АРНАҒА ТІРКЕЛІҢІЗ:    / @informburo31kanal   --------------------------------------------- Атырау облысы Талдыкөл ауылының тұрғындары он жылдан бері жол азабын тартып келеді. Ал көктемгі тасқыннан кейін тас-талқаны шыққан жолмен жүру тіпті қиындады дейді халық. Себебі, бүлінген асфальттың кесірінен апат көбейген. Сондықтан қала мен ауыл арасында күнделікті қатынайтын жұрт жанымызды шүберекке түйіп өтетін болдық деп отыр. Ал шенеуніктердің айтар өз уәжі бар. Тараптарды өңірдегі әріптесім Жұлдыз Тілеухан тыңдап келді. ЖҰЛДЫЗ ТІЛЕУХАН, тілші: Талдыкөлдіктер бұл жерді "өлім жолы" деп атап кеткен. Өйткені күн сайын жүзден астам көлік қатынайтын жолда қайғылы жағдайлар жиі болады. Оның үстіне тасқыннан кейін ұзындығы жеті шақырымға жететін асфальт бордай үгітіліп жатыр. АҚКЕНЖЕ САТАШЕВА, Талдыкөл ауылының тұрғыны: Жолымыз өте қауіпті. Біздің талабымыз адам жүретіндей жасап берсін дейміз. Судың асты жолды жеп тастаған. Бетінде тек асфальті тұр. Қазір басса ойылып кетеді. Жақында бір отбасы түгелдей қырылып қала жаздады. Көліктері жолдың шетіне түсіп кетті. ЖАНБОЛАТ ЫСҚАҚОВ, Талдыкөл ауылының тұрғыны: Жол мынау. Жаңбыр жауса көрмейтін азабымыз жоқ. Ауыратын адамдар бар. Қатынас жоқ. Әкімдер келеді. Ойбай, желтоқсанның бірі деді, сықитамыз деген осы жасағандары. Келген сайын уәде беріп кетеді. 10 жыл болды уәдеге тойдық. Ешкім қарап жатқан жоқ. Тұрғындардың талабын тыңдауға атқамінерлер тайлы-тұяғы қалмай келді. Айтуларынша, жұмыс көктем айында басталған екен. Алайда, ұлттық сапа орталығының мамандары тексеріс кезінде бірнеше ақау тапқан. Қазір сол олқылықты жою жұмыстары жүргізіліп жатыр дейді. АСЫЛХАН ШАКИМОВ, Махамбет аудандық жолаушылар көлігі және автомобиль жолдары бөлімінің басшысы: Ұлттық сапа лабораториямен тексеріс кезінде жолдың асты құрылыстық нормаға сай келмейтінін анықтады. Енді бұрынғы жобамен жасасақ, беті алынып, асфальт қана төселеді. Сосын қайта бұзуға тура келетін болады. Жасақталған жобаға түзетулер енгізіліп жатыр. Жолдың бәрі қырылып, қайта жол жасалады. Жұмыстар басталды. Түзету сол желтоқсанда аяқталады. Жалпы осы жолды жөндеу жұмыстарына биыл облыстық бюджеттен 315 миллион теңге қаржы бөлінген. Енді жобаға қайта түзетулер енгізілмек. Құрылыс жұмыстары тек желтоқсан айында басталады. Сондықтан шенеуніктер халықтан сәл шыдамдылық танытуды сұрайды. ------------------------------------------------------ Теңдессіз жобамызға көз салыңыз:    • Сөздің шыны керек: [журналистік зерттеулер]   Бишімбаев ісі -    • Бишімбаев ісі   Су тасқыны бойынша барлық ақпарат -    • Су тасқыны // Төтенше жағдай   Жұмбақ өлімдер -    • Жұмбақ өлім   Біз барлық әлеуметтік желідеміз, тіркеліңіз: Информбюро 31    / @informburo31kanal   Informburo kz    / @informburokz2022   Facebook -   / informburo31   Instagram -   / informburo31   WhatApp -
TikTok -
Біздің сайт: www.31.kz және www.informburo.kz #Информбюро #31арна #БастыЖаңалықтар #АқиқатынАйтайық