Цагаадайн улс Их Монгол улсын залгамжилсан дөрвөн Монголын хаант улсын нэгэн байв. Чингис хааны цэрэг 1219-1225 оны хооронд Дундад Азид төвлөн байсан Сартуул улсыг байлдан дагуулж мөхөөж газар нутаг хүн ардыг нь харьяандаа оруулсан. Чингис хаан амьд ахуйдаа дөрвөн их хүүдээ улсаа хуваан өвлүүлэхээр заасан байдаг. Цагаадайд өвлүүлсэн улсад өнөөгийн Казахстан, Узбекистаны дорно бие, Кыргызстан, Тажикстан бүхэлдээ, Шиньжяны өрнө бие багтаж байжээ. 1326 онд Ислам шашин Цагаадайн улсын үндсэн шашин болжээ. 1347 оноос тус улс, Могулистан, Мавераннахр гэх хоёр хэсэг болон хуваагдсан. 17-р зуун хүртэл Цагаадайн удмын улс хаант улс оршин тогтносоор байсан билээ.