«Уула хадын уянга»

П. И. Чайковскийн нэрэмжэтэ урлалай колледждо Буряад Уласай түрүүшын мэргэжэлтэ хүгжэм зохёогшо, Буряадай арадай зүжэгшэн Дандар Аюшеевэй 115 жэлэй мүнхэ дурасхаалда зорюулагдаһан «Уула хадын уянга» гэһэн зохёохы үдэшэ үнгэрбэ. Хүгжэм зохёогшо уласаймнай суута дууша нютагуудай нэгэн болохо Түнхэнэй аймагта түрэһэн намтартай. Тэрэнэй бэлиг шадабари балшар бага наһандань, дасанда һуража байхадань элирүүлэгдэһэн юм.