Қызылордалық «Қайсар» футбол клубының ойыншылары үш айдан бері жалақы ала алмай жүр
БІЗДІҢ YOUTUBE АРНАҒА ТІРКЕЛІҢІЗ: / @informburo31kanal --------------------------------------------- Теңдессіз жобамызға көз салыңыз: • Сөздің шыны керек: [журналистік зертт... Бишімбаев ісі - • Бишімбаев ісі Су тасқыны бойынша барлық ақпарат - • Су тасқыны // Төтенше жағдай Жұмбақ өлімдер - • Жұмбақ өлім Бүгінгі шығарылымда: Қызылордалық “Қайсар” футбол клубының ойыншылары бірнеше айдан бері жалақы ала алмай жүр. Қаржыдан қысылған футболшылар бұдан былай тегін доп теппейміз деп ашынады. Тіпті үш күн бұрын Шахтер командасына қарсы ойында алаңға 15 минут кешігіп шығып, айлық бермеген басшыларға өз наразылықтарын білдірген екен. Ал шенеуніктер клубта қаржылық қиындықтар туындады деп отыр. “Қайсар” футбол клубының ойыншыларына үш айдан бері бір тиын да жалақы төленбеген. Премьер-лигада өңірдің намысын қорғап жүрген футболшылар қаржыдан қысылып, қатты қиналып жүргендерін айтады. Әсіресе бұл жағдай өзге елден келген легионерлерге ауыр тиген. СТЕПАН СИКАЧ, "ҚАЙСАР" футбол клубының қақпашысы: – Келісімшартта біздің жауапкершілігіміз көрсетілген. Яғни біздің жұмысымыз футбол ойнау. Қазір кәсіби тұрғыда міндетімізді атқарып жүрміз. Бірақ басшылардың өзі келісімді орындай алмай отыр. Тез арада жалақы мәселесі шешімін тапса дейміз. Қазір тек жасыл алаңға жанкүйерлердің үмітін ақтау үшін шығып жүрміз дейді ойыншылар. Тіпті соңғы турда команда мүшелері басшыларға наразылық ретінде ойынға кешігіп шыққан екен. Алайда бұл әрекеттері де нәтижесіз болыпты. ДУМАН НӘРЗІЛДАЕВ, "ҚАЙСАР" футбол клубының ойыншысы: – Осы ойынға может кішкене шықпай тұра тұрармыз. Может бізге бірдеңе айтар деп. Бірақ енді кішкене күттік, онда да ешкімнен жауап болған жоқ. Шықтық ойнап тастадық. Бізге бір адам келіп, осындай уақытта ақша болады деген әңгіме естігіміз келіп тұр шыны керек. Қазір тегін доп теуіп жүрген қайсарлықтар жалақыдан үмітіміз де үзіле бастады дейді. Айтуларынша, жағдай бұлай жалғасса команда тарап кетуі мүмкін. Ал, футбол клубы мемлекет қазынасынан қаржыландырылады. Шенеуніктердің айтар өз уәжі бар. ЖҰЛДЫЗХАН ЕРҚОСАЕВ, Қызылорда облыстық дене шынықтыру, спорт және туризм басқармасы басшысының міндетін атқарушы: – Биылғы маусым үшін бөлінген қаржылар толық игерілген. Өз қаржысын, кіріс-шығыстарын жауапкершілік серіктестік өзі үйлестіреді. Сол себепті бізге нақты есептемелері мен ұсыныстарын ұсынып жатыр. Біз соның негізінде тиісті заңнамаларға сәйкес шешімдер қабылдайтын боламыз. Басқарма өкілі қазір қиындықтардың неден туындағанын анықтап жатырмыз дейді. Облыстың атынан шығатын жалғыз клубтың мәселесі жуық арада шешіледі деп уәде берді. Ал, аяқ допшылар кезекті матчқа шықпай, байкот жариялауға бекінген. --------------------------------------------- Біз барлық әлеуметтік желідеміз, тіркеліңіз: Бізді әлеуметтік желіде оқыңыздар: Информбюро 31 / @informburo31kanal Informburo kz / @informburokz2022 Facebook - / informburo31 Instagram - / informburo31 WhatApp - TikTok - Біздің сайт: www.31.kz және www.informburo.kz #Информбюро #31арна #БастыЖаңалықтар #АқиқатынАйтайық
