Маңғыстау облысында ауыл шаруашылығын дамытуға аса мән беріліп отыр

Өңірде ауыл бизнесін дамытуға арналған алғашқы несиелік серіктестік құрылды. 100 млн теңгеге дейінгі қолжетімді несие 10 жылға беріледі. «Ерлан» шаруа қожалығының басшысы Толыбай Сариевтің қорасында 50 түйе, он шақты сиыры мен осыншама қойы бар. Мал өсіріп, мол табысқа жетудің жолын түсінген ол кәсібін өркендетуді көздейді. Несие сұрап талай банктің табалдырығын тоздырған еді. Енді ата кәсіпті жандандыруға жол ашылды.