ОСПАН БАТЫРДЫ ҚАЗАҚ ҒАЛЫМДАРЫНА МОЙЫНДАТҚАН ТҰЛҒА НҰРҒОЖАЙ БАТЫР

Кеңестік кезеңде Қазақстанда өкінішке орай диаспора қазақтарының, онын ішінде Шығыс Түркістан қазақтарының тарихы мен әдебиеті оқытылған жоқ. Сондықтан тәуелсіздіктің алғашқы жылдары Қазақстандықтар Оспан батыр мен Ақыт Үлімжіұлы сынды олардың бетке ұстар ұлы тұлғаларын білмейтін. Сонсон тәуелсіздік жылдары Қазақстанда батыр көбейіп кетті. Тәуелсіздіктің арқасында мүмкіншіліктері молайған азаматтар жазушылар мен тарихшыларға “спонсор” болып өзінің арғы аталарын батыр етіп көрсетуге тырысушылық пайда болды. Міне осындай жағдайда ел көбінесе Түркия, Шығыс Түркістан және Баян Өлгей қазақтары ауыздан тастамайтын Оспан батырға қолдан жасалған сол көп батырдың бірі ме деп қарап жүргендей болды. Бірақ, олардың мұндай күдіктерінің сейілткен Нұрғожай батыр болды. Бұл туралы Сырымбек баурымның сұрағына берген жауабымыз.