Тірідей өртеген: Алматыда адам шошырлық аса ауыр қылмыс жасалды

БІЗДІҢ YOUTUBE АРНАҒА ТІРКЕЛІҢІЗ:    / @informburo31kanal   --------------------------------------------- Теңдессіз жобамызға көз салыңыз:    • Сөздің шыны керек: [журналистік зерттеулер]   Бишімбаев ісі -    • Бишімбаев ісі   Су тасқыны бойынша барлық ақпарат -    • Су тасқыны // Төтенше жағдай   Жұмбақ өлімдер -    • Жұмбақ өлім   Бүгінгі шығарылымда: Алматыда адам шошырлық аса ауыр қылмыс жасалды. Бір азамат бір түнде ерлі-зайыпты қос зейнеткерді өлтіріп, ізін жасыру үшін жәбірленушілердің үйін өртеп жіберген. Қызыл жалында қалған мәйіттің бірі түгел жанып кетіпті. Ал ол марқұм пышақтан өлді ме, әлде тірідей отқа оранып жан тапсырды ма әзірге белгісіз, бір анығы, қасақана қылмысқа барған күдікті бұл отбасымен бұрыннан араласатын адам болып шықты. Тақырыпты әріптесім Оразай Нұртайұлы жалғастырсын. Адам айтса шошитын қанды қылмыс жұмадан сенбіге қараған түні болды. Ел қалың ұйқыда жатқанда бір ер адам 4 кісі тұратын үйге келіп, 71 жастағы ақсақалды кеудеден пышақпен ұрып жер жастандырған. Көршілердің айтуынша, ол сәтте қыбыр тұрмақ, сыбыр да естілмеген. Маңдағы жұрт тек жарылыс болып, өрт басталғанда ғана жан таласып сыртқа қарай ұмтылған көрінеді. Қазір 4 отбасы тұратын жапсарлас салынған үйлер толық қирап қалған. ЭМРАДЖАН ХАСАНОВ, көршісі: – Өртті сол қаскөй қойды. Газды қосып от жағып осында тұратын 13-тен астам адамның бәрін өлтіре жаздады. Көршілеріміздің бірі оянып, дабыл қақпағанда осындағы тұрғынның барлығы жер жастанар еді. Қасақана қылмыс жасаған адам бұған дейін де келіп-кетіп жүретін. Бұрын сотталған деп естідім. Бақилық болған зейнеткерлердің қызымен араласатын. ЕВГЕНИЙ КРУГЛОВ, көршісі: – Түн ортасында жарылыстың дыбысын естідім. Мен жоғарыда жатқан едім, төмен түсейін десем біреу сатыны алып тастапты. Секірдім де, жарылыс болған үйге қарай жүгірдім. Кіргенім сол еді еденде кеудесінен 4 рет пышақталған ер адам жатты. Қасында кішкентай бала тұрды. Екінші зейнеткерді таба алмадым. ОРАЗАЙ НҰРТАЙҰЛЫ, тілші: – Куәгердің айтуынша, адам қолынан өлген зейнеткердің бірі дәл осы жерден табылған. Ол пышақталған күйде жан тапсырған. Бұл сұмдықты көрген көршісі оны арқалап, дәл мына жақпен сыртқа алып шыққан екен. Айта кетсек, негізі мұнда бұрын қабырға болған, бірақ-та ол әлгі күдікті қылмысын жасыру үшін қойған өрттің салдарынан қирап қалған. Ал екінші мәйітті өрт сөндірушілер алып шыққан. Көршілердің айтуынша, отта қалған зейнеткер әйелдің денесі түгел жанып кетіпті. Күйгені сонша, пышақ іздері тұрмақ, марқұмның кім екенін танудың өзі мүмкін емес дейді. Куәгерлердің сөзіне сенсек, қолын қанға малған қаскөй жәбірленушілерге бейтаныс адам емес, бұған дейін талай келген, үйдің бұрыш-бұрышын жатқа біледі. Ол бұл қылмысқа ұзақ уақыт дайындалғанға ұқсайды. Бұл деректі полицейлер де растады. САЛТАНАТ ӘЗІРБЕК, Алматы қаласы полиция департаментінің ресми өкілі: – Бұл қылмысқа біраз дайындалғанына көз жеткізіп отырмыз. Өйткені ол жәбірленушілердің үйіне өз көлігімен келмей, бірталай көше жетпей тастап кеткен. Жаяу келіп, содан қылмыстық әрекетін жүзеге асырғаннан кейін жаяу көлігіне жеткен. Ал көршілерінің айтуынша, ол күдікті өрт өшіп, мәйіттер табылған соң оқиға орнына қайта келген. Ештеңеден хабары жоқ, тек көмек беруге келген адамның кейпін танытты дейді. Бірақ полицейлер оның қылмысқа қатысы барын әшкерелеген сәтте бірден ұстап, 46 жастағы азаматты уақытша ұстау қапасына қамаған. Болжам бойынша, оқиғаға зейнеткерлердің қызы мен күдікті арасындағы жанжал себеп. Көршілердің айтуынша, ер адам сол бикешпен көңіл қосқысы келген, бірақ оған қыздың әкесі үзілді-кесілді қарсы болған екен. Бүгінде бұл сұмдық жайтқа қатысты қылмыстық іс қозғалып, тергеу жүріп жатыр. --------------------------------------------- Біз барлық әлеуметтік желідеміз, тіркеліңіз: Бізді әлеуметтік желіде оқыңыздар: Информбюро 31    / @informburo31kanal   Informburo kz    / @informburokz2022   Facebook -   / informburo31   Instagram -   / informburo31   WhatApp -
TikTok -
Біздің сайт: www.31.kz және www.informburo.kz #Информбюро #31арна #БастыЖаңалықтар #АқиқатынАйтайық