Оқырманы көп блогерлердің шағын кәсіпкерлерге тексеріс жасауы тыйылмай тұр
БІЗДІҢ YOUTUBE АРНАҒА ТІРКЕЛІҢІЗ: / @informburo31kanal --------------------------------------------- Теңдессіз жобамызға көз салыңыз: • Сөздің шыны керек: [журналистік зертт... Бишімбаев ісі - • Бишімбаев ісі Су тасқыны бойынша барлық ақпарат - • Су тасқыны // Төтенше жағдай Жұмбақ өлімдер - • Жұмбақ өлім Бүгінгі шығарылымда: Елімізде оқырманы көп блогерлердің шағын кәсіпкерлердің жұмысына кедергі келтіріп, тексеріс жасауы тыйылмай тұр. Яғни сынықты сылтау етіп, табыс тауып отырған жұмысымыздан кемшілік іздейтін желі белсенділері көбейді дейді бизнес өкілдері. Соның кесірінен пайдадан қағыламыз деп отыр. Азаматтардың тағы қандай шағымы бар? Жалпы блогерлердің кәсіп нысандарын негізсіз тексеруіне рұқсат бар ма? Заңгерлер не дейді? Абай Нұржанұлы анықтап көрді. Ләззат Жақыпбекова төрт жылдан бері шаштараз болып жұмыс істейді. Айтуынша соңғы уақытта блогерлер әр нәрсені желеу етіп, салондағы қызметті сынауды үрдіске айналдырған. Тіпті өздерінше тексеру жүргізген видеоларды желідегі парақшаларына жариялайды. Ал олар көбіне нақты кемшілікті көрсету емес, негативті контент арқылы өзіне аудитория жинауды мақсат етеді дейді кәсіпкер. ЛӘЗЗАТ ЖАҚЫПБЕКОВА, шаштараз: – Сондай жаман негатив сөздер айтады. Сөйтіп өздеріне ұпай жинайды да олар. Әр адамның кәсіптеріне араласып, қалай айтса болады, кедергі келтіріп. Яғни блогерлердің бей-берекет тексерісі кәсібін дөңгелетіп, табыс тауып отырған азаматтарға зиянын тигізеді. Ал заңгерлердің айтуынша бизнес өкілдерінің жұмысына негізсіз тексеру жүргізуге ешкімнің құқығы жоқ. Бұл кәсіпкерлікке қол сұғушылық болып саналады дейді мамандар. ДӘУЛЕТ ІЗБАСАРҰЛЫ, заңгер: – Кәсіпкердің өзінің құқықтары бар, өзінің міндеттері бар. Кез келген адам кәсіпкерлік нысанға келіп, оның еркіндігіне, оның меншігіне қол сұғып, кәсіпкерге кедергі келтіру заңды әрекет емес. Кез келген кәсіпкерде осындай жағдай болса ол азаматтық кодекстің талаптарына сәйкес өзінің кәсіпкерлік қызметін қорғауға құқығы бар. Заңгер тұтынушылардың шағымы болғанның өзінде желі белсенділері тек құзырлы орган өкілдерімен бірге жүре алады дейді. Ал кәсіпкердің рұқсатынсыз, өз бетінше видео түсіріп, оны желіге жариялауға заңмен тыйым салынған. Мұндай жағдай болса кәсіп иелері блогердің үстінен сотқа арыздану керек. --------------------------------------------- Біз барлық әлеуметтік желідеміз, тіркеліңіз: Бізді әлеуметтік желіде оқыңыздар: Информбюро 31 / @informburo31kanal Informburo kz / @informburokz2022 Facebook - / informburo31 Instagram - / informburo31 WhatApp - TikTok - Біздің сайт: www.31.kz және www.informburo.kz #Информбюро #31арна #БастыЖаңалықтар #АқиқатынАйтайық
