12 сәуір - бұл Дүниежүзілік авиация және космонавтика күні ғана емес. Қазақстанда бұл күні ғылыми қызметкерлер кәсіби мерекелерін атап өтеді. Бұл күн кездейсоқ таңдалған жоқ. 1899 жылғы 12 сәуірде белгілі геолог, академик, Қазақ КСР Ғылым академиясының тұңғыш президенті - Қаныш Имантайұлы Сәтбаев дүниеге келді. Кеңестік шығыстың тұңғыш академигі туған өлкесін терең зерттеу идеясын белсенді түрде насихаттап, оның зор әлеуетін көрді.