Әскери бөлімде барлаушылардың кәсіби мерекесіне орай мерекелік іс-шара өтті

Кеше Сарыөзек гарнизонындағы офицерлер үйінде, 12740 әскери бөліміндегі барлаушылардың кәсіби мерекесіне орай салтанатты іс-шара ұйымдастырылды. Бұл күн – өз өмірін Отанның қауіпсіздігі мен тыныштығын қорғауға арналған барлаушылардың ерлігі мен қажырлы еңбегін дәріптейтін ерекше мереке болып табылады. Іс-шара барысында бөлім командирінің міндетін уақытша атқарушы полполковник Айбар Абайұлы жеке құрамды құттықтап, барлаушылардың әскери қызметтегі маңызды рөлін атап өтті. Мерекелік жиын кезінде бірқатар әскери қызметшілер мен азаматтық персонал өздерінің адал қызметі мен жоғары кәсіби шеберлігі үшін мақтау қағаздарымен, алғыс хаттармен және бағалы сыйлықтармен марапатталды. Салтанатты іс-шараның ресми бөлімінен кейін концерттік бағдарлама ұйымдастырылып, әскери оркестр мен көркемөнерпаздар ұжымы көрермендерге мерекелік көңіл-күй сыйлады. Ән мен күй, патриоттық өлеңдер мен би нөмірлері мерекенің сәнін келтіріп, қатысушыларға ерекше әсер қалдырды.