Бүгін Нұр-Сұлтанда мүгедектігі бар бір топ азамат Еңбек және Халықты әлеуметтік қорғау министрі Серік Шәпкенов "отставкаға кетсін" деген талап қойды. Айтуларынша, жылдап күткен баспана кезегі жылжымайды, жәрдемақылары ас-судан артылмайды. Министр үнімізге құлақ аспаса орнын босатсын деген олар "әкімдіктен де ешқандай көмек жоқ" деп отыр. Ал, жауаптылар: заң бойынша тиесілі жәрдемақыларын қалталарынан көтеріп бере алмайтынын, баспаналы болғанша жатақхана бергендерін айтты. Арбаға таңылған Ермек Бекішев үйімнің кезегі талай жылдан бері жылжымай келеді дейді. Алатын 65 мың жәрдемақысы азық-түлік пен жол ақысынан артылмайды екен. Ал, әкімдіктен берілген жатақханамыз өте ескі, кіріп-шығуға қолайсыз деп отыр. 7 жыл бойы мәселемді ешкім шешіп бере алмады деген ол қазір шенеуніктерге сенбейді. Сондықтан, министр Серік Шәпкенов көмектесе алмаса отвтавкаға кетсін деп, талап қойды. ЕРМЕК БЕКІШЕВ, Мүгедектігі бар азамат: – Мен министрліктің отсавкаға кетуін талап етуге мәжбүрмін. Қанша рет жауаптыларға айттық! Үйдің кезегі қашан жылжиды? Жәрдемақымызды 2910 теңгеге көтерді. Үш процентке. Ал, азық-түлік отыз процентке қымбаттап кетті. Бұл азаматтар өткен аптада да әкімдік алдына жиналып, баспана кезегіміз тезірек жылжысын, жәрдемақымызды көбейтсін деп талап қойған. Ол кезде әкімдік мамандары мүгедектігі бар барлық топтағы азаматқа қажетті әлеуметтік көмек көрсетіліп жатқандығын айтқан еді. Бірақ, жиналғандар мемлекеттік көмектің аса пайдасы жоқ деп, бүгін де жәрдемақымызды 500 долларға жеткізсін деді. АЗАМАТ САДУОВ, Мүгедектігі бар азамат: – Мәселеміз шешілмейді. Біз бірнеше рет мамандарға шырылдап айттық. 8 жылдан бері баспана кезегінде тұрмын. Ал, кейбір мүгедектігі бар азаматтар әкімдіктен берілген 8 шаршы метрлі жатақханада тұрып жатыр. Ол жерде дәретхана бөлек, біз сияқты кісілерге кіріп-шығуға ыңғайсыз. Барлық мәселені анықтап тыңдаған министрлік өкілдері, енді жаңа заң бойынша мүгедектігі бар жасөспірім 18-ге толса да баспана кезегі сақаталады, күтушілерге жаңа жәрдемақы тағайындалады, ал өзге мүгекдектігі бар азаматтарға заңдағы көрсетілген сомадан көп жәрдемақы төлей алмаймыз деді. АЙДАР САПАРОВ, ҚР Еңбек және Халықты әлеуметтік қорғау министрлігінің бас сарапшысы: – Бізде күту пособиясы тек қана туылған кезінен мүгедектерге беріледі. Қазір енді жаңа заңнамаға сәйкес өзінің өмірінде мүгедектік алған адамдарға солардың күтушісіне пособия төленетін болады. АЙБАР ТӨЛЖАНҰЛЫ, тілші: – Мәжіліс бірінші оқылымда мақұлдаған заң жобасында мүгедектігі бар кісілердің жәрдемақысын көбейту қарастырылмаған. Мамандар өйткені жәрдемақының сомасы ең төменгі күнкөріс деңгейіне сай деп отыр. Сондықтан, Қазақстандағы 690 мың мүгедектігі бар азаматтың жәрдемақысы биыл көбеймейтіні анық. Ал, елорда әкімдігінің қызметкерлері арнайы санаттағы азаматтарға жыл соңына дейін 10 мың баспана саламыз, сол кезде кезек жылжиды, әзірге тар болса да жатақханада тұра тұрудан басқа амал жоқ деді. Айбар Төлжанұлы, Нұркен Тоқмурзин Бізді әлеуметтік желіде оқыңыздар: Youtube - / @informburo31kanal Facebook - / informburo31 Instagram - / informburo31 Vkontakte -
https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #мүгедектік #отставка #наразылық
