"Би чамд хайртай"- Г.Энхмаа /Эрдүү хийлч, СТА/ Анир Поп Оркестр

💖 "Би чамд хайртай" 💞 🔸️ Зуун дамнан хүмүүний сэтгэлд хайр бадрааж, итгэл, сэтгэл, уярал, ухааралд хөтөлдөг энэхүү алдарт бүтээл нь "Би чамд хайртай" киноны хөгжим гэдгээрээ олонд түгж хэн бүхний сэтгэлд хоногшжээ. Хөгжмийн зохиолч Н.Жанцанноров Украины нийслэл Киевын Хөгжмийн Консерваторт сурч эхлэхэд багш нь мэргэжлийн хөгжмийн зохиолч хүн хамгийн түрүүнд симфони найралын голлох зэмсэг болох хийл хөгжимтэй танилцаж, судлах хэрэгтэй болохыг дурдаж түүнд зориулсан зохиол бичихийг даалгаснаар энэхүү аялгуугаар гол сэдэв болгосон 3 хэсэгт хийл төгөлдөр хуурын бэсрэг бүтээл 1974 онд зохиогджээ. 🔸️ Хожим 1985 онд "Би чамд хайртай" киноны гол дүрийн нэг Дэлгэрийн хөгжимдөх хийлийн аялгуу яаралтай хэрэг болоход найруулагч Б.Балжинням уг киноны хөгжмийн зохиолч Н.Жанцанноровоос киноны зураг авалт эхлэж байгаа тул бэлэн аялгуу байгаа эсэх талаар асуужээ.Хөгжмийн зохиолч энэхүү бүтээлийнхээ уянгын хэсгийг сонсгосноор найруулагчийн таашаалд хүрч уг киноны хайрын үйл явдлыг тодотгох хөгжим болсон түүхтэй. 🔸️ Энэхүү гайхамшигт бүтээл нь хөгжмийн зохиолч Н.Жанцанноровын хөгжмийн мэргэжлийн хөгжмийн бүтээл туурвих анхны гараа нь байжээ. 🔸️ 1980 онд монголд анх удаа энэхүү бүтээлийг удирдаач, хийлч Ч.Чинбат хөгжимдсөн байна. Мөн украйны хийлчийн хөгжимдсөнөөр Украйны үндэсний радиогийн алтан сан хөмрөгт оруулжээ. 🔸️ 2022 онд Анир Поп Оркестр байгуулагдаж урын сандаа энэ гайхалтай бүтээлийн шинэчлэн найруулж манай оркестрын эрдүү хийлч Г.Энхмаа гоцлон тоглосныг сонсогч олондоо хүргэж байгаадаа баяртай байна. 🔸️"Би чамд хайртай" Гоцлооч: Г.Энхмаа /Эрдүү хийлч, СТА/ Enkhmaa Vio Anir Mongolian Pop Orchestra Хөгжмийн зохиолч: Н.Жанцанноров / Хөдөлмөрийн баатар, Төрийн хошой шагналт, Ардын жүжигчин/ Хөгжмийн найруулагч: Б.Алтанхуяг / МУУГЗ/ Алтанхуяг Бэгзсүрэн Аудио бичлэг: Анир саунд рекордс Видео бичлэг: Хуту энтэртайнмент Дууны инженер: Г. Пүрэвдагва Purevdagva Gochoo Б.Чинбаатар Б. Чинбаа Т. Лувсаншарав Luvsansharav Tuvshinjargal