Рыта нарадзілася каля 1380 г. недалёка ад Касіі (Італія). Яна была адзіным і любімым дзіцем для бацькоў, вызначалася цнотаю міласэрнасці. Бог такім чынам пакіраваў лёсам Рыты, што яна стала ўзорам пабожнага жыцця для многіх людзей. Рыта з’яўляецца прыкладам для дзяўчынак, бо яшчэ ў дзяцінстве палюбіла малітву, практыкавала самавырачэнне, адмаўляла сабе ва ўсім, нават у ежы, каб больш падтрымліваць бедных.
