Бәйдібек ауданы – дамудың даңғыл жолында

Бәйдібек ауданы – дамудың даңғыл жолында Бәйдібек ауданы соңғы жылдары қарқынды дамып, ауылдық округтерде бірқатар игі істер жүзеге асуда. Солардың бірі – Қазата ауылы. Бүгінде елді мекеннің келбеті күн сайын көркейіп, инфрақұрылымдық жобалар жүйелі түрде қолға алынуда. Атап айтқанда, Қазата ауылында қазіргі таңда заманауи ойын алаңшасы мен футбол алаңының құрылысы жүріп жатыр. Бұл нысандар ауыл жастарының бос уақытын тиімді өткізуге, салауатты өмір салтын ұстануға мүмкіндік бермек. Құрылысты «М-СТРОЙ» мердігер мекемесі жүргізуде. Төрт жылдық тәжірибесі бар компанияның басшысы, құрылысшы Мұратбек Бақдәулет жетекшілігіндегі ұжым бүгінде Түркістан облысының бірнеше ауданында әлеуметтік нысандар салып, ел игілігіне үлес қосып келеді.